| «Некогда же приде князь велики в монастыр к преподобному Сергиу, и рече ему: | «По времени ж некоем прииде князь великый Дмитрей Иванович къ преподобномŷ Сергию в монастырь и рече старцю: |
| отче, велия печаль обдержит мя. Слышах бо, яко Мамай въздвиже всю орду и идет на Русскую землю, хотя разорити церквы, их же Христос кровию своею искупи. | веси ли, отче, велика меня скорбь обдержит и печаль, и всемŷ христианьствŷ скорбь. Слышим, что Мамай, ординьскый князь, подвиже всю ордŷ безбожных татар, идŷт на мою отчинŷ, на Рŷсскŷю землю, хотя разорити святыа церкви и погубити наше христианство. |
| Тем же, отче святый, помоли Бога о том, как сия печаль обща всем христианом есть. | Тем же, отче святый, помоли Бога о нашем христианстве, да избавит нас Бог от таковыа беды. |
| Преподобный же отвеща: иди противу их, и Богу помагающе ти победиши, и здравъ с вои своими възвратишася, токмо не малодушествуй. | Блаженный же отвещавъ, рече: господини царю нашь русскый, ты еси пастырь великомŷ стадŷ всему христианствŷ. Подобает ти пещися о своем стаде крепко, и должно ти и душю свою положити о нем в Христовъ образ, яко ж и Христосъ о нас кровь свою излиа и душу свою положи. И поиди, господини царю нашь, противŷ имъ съ правдою и покорением, яко ж пошлина твоа дръжить покарятися ординьскому царю должно. А чрес то надеемся на человеколюбие Божие и на пречистŷю Богоматерь, поможет ти Богь победити их, и здравъ возвратишися съ вои своими. Дръзаи, господини нашь, Богъ с тобою, и прославит Господь имя твое в род и род. |
| Князь же отвеща: аще убо Бог поможет ми молитвами твоими, то пришед поставлю церковь въ имя пречистыа владычица наша Богородица честнаго еа успениа и монастыр съставлю общаго житиа. | Князь же великыи рече: отче святыи, аще ми Бог поможет и възвращуся здравъ, поставлю церков во имя пречистые Богородица честнаго ŷспениа, и монастырь съставим общаго житиа. И се князю глаголящу. |
| Слышанно ж бысть, как Мамай идет с татары с великою силою. | Слышано бысть въскоре: се Мамай грядет съ татары съ силою многою. |
| Князь же, събрав воя, изыде противу их. И бысьть по пророчьству святого Сергиа. И, победив, татары прогна, и сам здравъ съ вои своими възвратися. И тако моливь святаго Сергиа обрести место подобно, иде ж церъков сътворити. И тако обретше место подобно, призва и князя великаго, и основаста церковь, иже и вскоре сътворише церков красну въ имя пречистыа на Дубенке, и съставиша обще житие.» | Князь же великыи събрався изыде въскоре противу их, и бысть сеча зело велика, и по пророчеству святаго побежени быша безбожные татарове, избиша их множство бесчислено. Самь же князь великыи здравъ возвратися съ своими вой, радуяся» и пр. |
