И обе руце рад ти простираю,400 яко охочо тебе работаю.Господин
Се уже крепок раб ми сотворися,в дом мой на труды абие потщися.Но веждь обычай, яко аз никомув начале службы честны не дам в дому.405 Иди на село; что велят, трудися,на честну службу прежде заслужися.Покажи руце, да могу познати,в кую тя службу подобает дати.Посмотрев на руце и пощупав, паки глаголет
Господин
О, несть мозолей, зело мягки длани!410 Бодрствуй отселе, лености престани.Слышиш, прикажчик! На село возмите,а свини пасти ему прикажите.Прикажчик
Добро, государь мой! Творю веление,прикажу ему свиней пасение.Господин идет за завесу, а Прикажчик глаголет
415 Ходи к свинарем, паси купно с ними,сия сапожки из ног твоих сними.Премени кафтан, в хуждший облецися,свиней погубити опасно блюдися.Зде ин свинопас изыдет, гоня прасята, к нему же глаголет Прикажчик
Слыши ты, малче! Се товарищ тебе,420 свиней сгубити блюдитеся себе.Аз имам вскоре к вам ся возвратитии по заслугам обема платити.Пастух к Блудному
Ну, друже милый! Корито с рожцамипринеси семо, постав пред свинями.А Блудный принесет и речет
425 И аз есм гладей, а несть ми что ясти,рожци ми будут за всякия сласти.Тогда яст, а пастух свиния присадит до корита; он же разгневася, ударит свиния, да разбегутся
Пастух
Что делаеши? Свини отгоняет?Всуе от рожцев оны отбивает,Се побегоша, аще погубити,430 язвами хребта бедне заплатити.Ту приходит Прикажчик
Малци! Что у вас добраго ся деет?Труд ваш о стаде еда добре спеет?Пастух
Государю мой! Винни пред тобою,враг се, а не друг у свиний со мною:435 Сам рожци ял есть, и свини разгнаше,аз не вем, стадо где поутекаше.Прикажчик
Возмите врага, плетьми разсечите,а потом свиней прилежно ищите.Поведут за завесу Блуднаго и биют плетьми, он кричит: „Государь, пощади!“, а Прикажчик глаголет
Бий врага добре, да весть свое дело,440 да пасет бодро, хранит стадо цело.И крикнет: „Полно бити, час пустити!“. Ту приведут Блуднаго убита, к нему же речет Прикажчик
Ищи свиней, враже! Блюдис погубити,ибо до смерти велю тя убити.И отходит Прикажчик, а Блудный глаголет
Увы мне! Увы! Что имам творити?Свини погубих, хотят мя убити.445 Гладом и хладом весма помираюи бичми люте посечен бываю.О коль бе благо в дому отчим быти,нежели в страны чюждыя ходити!Хлеб у наемник тамо избывает,450 а мое чрево гладом погибает.Пойду ко отцу, до ног поклонюся,глаголя сице, пред ним умилюся:Отче! Согреших на небо и к тебе,прими мя поне в наемника себе;465 Несмь бо достоин сын твой нарещися.О даждь ми, боже, к отцу довлещися!И пойдет за завесу. Ту пение и intermedium, по нем пение паки.
<p><strong>Часть V</strong></p> 
