На вечерни Прокимен, гл. 7: Кто Бог велий, яко Бог наш? Ты еси Бог творяй чудеса.
<p>Понедельник Светлой седмицы</p>На литургии
Прокимен, гл. 8: Во всю землю изыде вещание их, и в концы вселенныя глаголы их.
Стих: Небеса поведают славу Божию, творение же руку Его возвещает твердь.
Аллилуиа, гл. 4: Исповедят небеса чудеса Твоя, Господи.
Причастен: Тело Христово приимите…
На вечерни Прокимен, гл. 1: Бог наш на небеси и на земли, вся, елика восхоте, сотвори.
<p>Вторник Светлой седмицы</p>На литургии
Прокимен, гл. 3: песнь Богородицы: Величит душа моя Господа, и возрадовася дух мой о Бозе, Спасе моем.
Стих: Яко призре на смирение рабы своея, се бо отныне ублажат мя вси роди.
Аллилуиа, гл. 8: Воскресни, Господи, в покой Твой, Ты, и кивот святыни Твоея.
Причастен: Тело Христово…
На вечерни Прокимен, гл. 8: Гласом моим ко Господу воззвах, гласом моим к Богу и внят ми.
<p>Среда Светлой седмицы</p>На литургии
Прокимен, гл. 6: Помяну имя Твое во всяком роде и роде.
Стих: Слыши, дщи, и виждь, и приклони ухо твое.
Аллилуиа, гл. 3, песнь Богородицы: Величит душа моя Господа, и возрадовася дух мой о Бозе, Спасе моем.
<p>Четверг Светлой седмицы</p>На литургии
Прокимен, гл. 3: Пойте Богу нашему, пойте, пойте Цареви нашему, пойте.
Стих: Вси языцы, восплещите руками, воскликните Богу гласом радования.
Аллилуиа, гл. 4: Наляцы и успевай и царствуй, истины ради и кротости и правды.
<p>Пятница Светлой седмицы</p>На литургии прокимен и аллилуиа как в понедельник Светлой седмицы.
<p>Суббота Светлой седмицы</p>На литургии
Прокимен, гл. 3: Господь просвещение мое и Спаситель мой, кого убоюся?
Стих: Господь защититель живота моего, от кого устрашуся.
Аллилуиа, гл. 5: Господь воцарися, в лепоту облечеся, облечеся Господь в силу и препоясася.
<p>Неделя 2-ая по Пасхе: о Фоме</p>Тропарь, гл. 7
Запечатану гробу, Живот от гроба воссиял еси, Христе Боже, и дверем заключенным, учеником предстал еси, всех воскресение, дух правый теми обновляя нам, по велицей Твоей милости.
Кондак, гл. 8 Любопытною десницею, жизноподательная Твоя ребра Фома испыта, Христе Боже: созаключенным бо дверем яко вшел еси, с прочими Апостолы вопияше Тебе: Господь еси и Бог мой.
На утрени Прокимен, гл. 4: Похвали, Иерусалиме, Господа, хвали Бога Твоего, Сионе.
На литургии
Прокимен, гл. 3
Прокимен, гл. 3: Велий Господь наш, и велия крепость Его, и разума Его несть числа.
Стих: Хвалите Господа, яко благ псалом, Богови нашему да усладится хваление.
Аллилуиа, гл. 8: Приидите, возрадуемся Господеви, воскликнем Богу Спасителю нашему.
Причастен: Похвали, Иерусалиме, Господа, хвали Бога Твоего, Сионе.
На вечерни Прокимен, гл. 6: Кто Бог велий яко Бог наш? Ты еси Бог творяй чудеса.
<p>Неделя 3-ья по Пасхе: мироносиц</p>Тропарь, гл. 2
Егда снисшел еси к смерти, Животе бессмертный, тогда ад умертвил еси блистанием Божества. Егда же и умершия от преисподних воскресил еси, вся силы небесныя взываху: Жизнодавче, Христе, Боже наш, слава Тебе.
Слава: Благообразный Иосиф с древа снем пречистое тело Твое, плащаницею чистою обвив, и благоуханми во гробе нове закрыв положи: но тридневен воскресл еси, Господи, подаяй мирови велию милость.
И ныне: Мироносицам женам при гробе представ ангел, вопияше: мира мертвым суть прилична, Христос же нетления явися чуждь. Но возопийте: воскресе Господь, подаяй мирови велию милость.
Кондак, гл. 2 Радоватися мироносицам повелел еси, плач праматере Евы утолил еси воскресением Твоим, Христе Боже; Апостолом же Твоим проповедати повелел еси: Спас воскресе от гроба.
На утрени Прокимен, гл. 2: Восстали, Господи Боже мой, повелением, имже заповедал еси, и сонм людей обыдет Тя.
