Стих: Блажени, яже избрал и приял еси, Господи, и память их в род и род.
Причастен: Радуйтеся праведнии о Господе, правым подобает похвала.
Другой: Блажени, яже избрал и приял еси, Господи, и память их в род и род.
<p>Прокимны дневные на вечерне</p><p>В субботу вечером</p>Прокимен, гл. 6: Господь воцарися, в лепоту облечеся.
Стих: Облечеся Господь в силу и препоясася.
Стих: Ибо утверди вселенную, яже не подвижится.
Стих: Дому Твоему подобает святыня, Господи, в долготу дний.
<p>В воскресенье вечером</p>Прокимен, гл. 8: Се ныне благословите Господа, вси раби Господни.
Стих: Стоящии во храме Господни, во дворех дому Бога нашего.
<p>В понедельник вечером</p>Прокимен, гл. 4: Господь услышит мя, внегда воззвати ми к Нему.
Стих: Внегда призвати ми, услыша мя Бог правды моея.
<p>Во вторник вечером</p>Прокимен, гл. 1: Милость Твоя, Господи, поженет мя вся дни живота моего.
Стих: Господь пасет мя и ничтоже мя лишит, на месте злачне, тамо всели мя.
<p>В среду вечером</p>Прокимен, гл. 5: Боже, во имя Твое спаси мя, и в силе Твоей суди ми.
Стих: Боже, услыши молитву мою, внуши глаголы уст моих.
<p>В четверг вечером</p>Прокимен, гл. 6: Помощь моя от Господа, сотворшаго небо и землю.
Стих: Возведох очи мои в горы, отнюдуже приидет помощь моя.
<p>В пятницу вечером</p>Прокимен, гл. 7: Боже, заступник мой еси Ты, и милость Твоя предварит мя.
Стих: Изми мя от враг моих, Боже, и от восстающих на мя, избави мя.
<p>Тропари, кондаки и проч. Из триоди постной</p><p>Неделя мытаря и фарисея</p>Все воскресное гласа, кроме кондака сего, гл. 4:
Фарисеева убежим высокоглаголания, и мытареве научимся высоте глагол смиренных, покаянием взывающе: Спасе мира, очисти рабы Твоя.
<p>Неделя блудного сына</p>Все воскресное гласа, кроме кондака сего, гл. 3:
Отеческия славы Твоея удалихся безумно, в злых расточив, еже ми предал еси богатство. Темже Ти блуднаго глас приношу: согреших пред Тобою, Отче щедрый, приими мя кающася, и сотвори мя яко единаго от наемник Твоих.
<p>Суббота мясопустная</p>Родительская суббота
Тропарь, гл. 8 Глубиною мудрости человеколюбно вся строяй, и полезное всем подаваяй, едине Содетелю, упокой, Господи, души раб Твоих: на Тя бо упование возложиша Творца и Зиждителя и Бога нашего.
Кондак, гл. 8 Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь бесконечная.
На литургии
Прокимен, гл. 6: Души их во благих водворятся.
Стих: К Тебе, Господи, воздвигох душу мою, Боже мой.
Аллилуиа, гл. 6: Блажени, яже избрал и приял еси, Господи, и память их в род и род.
Причастен: Блажени, яже избрал и приял еси, Господи, и память их в род и род.
<p>Неделя мясопустная</p>Тропарь: воскресен гласа
Кондак, гл. 1
Егда приидеши, Боже, на землю со славою, и трепещут всяческая: река же огненная пред судищем влечет, книги разгибаются, и тайная являются: тогда избави мя от огня неугасимаго и сподоби мя одесную Тебе стати, Судие Праведнейший.
На литургии
Прокимен, гл. 3: Велий Господь, и велия крепость Его, и разума Его несть числа.
Стих: Хвалите Господа, яко благ псалом.
Аллилуиа, гл. 8: Приидите, возрадуемся Господеви, воскликнем Богу, Спасителю нашему.
<p>Суббота сыропустная</p>Память всех, в посте просиявших
Тропарь, гл. 4 Боже отец наших, творяй присно с нами по Твоей кротости, не остави милость Твою от нас, но молитвами их в мире управи живот наш.
Кондак, гл. 8 Яко благочестия проповедники, и нечестия обуздатели, Богоносных собор уяснил еси, подсолнечную осиявающия в мире совершенном: тех молитвами Тебе славящия и величающия сохрани, поющия Ти, Господи, аллилуиа.
На литургии
Прокимен, гл. 4: Восхвалятся преподобнии во славе и возрадуются на ложах своих.
Стих: Возношения Божия в гортани их, и мечи обоюду остры в руках их.
Аллилуиа, гл. 2: Насаждени в дому Господни, во дворех Бога нашего процветут.
Причастен: Радуйтеся, праведнии, о Господе, правым подобает похвала.
<p>Неделя сыропустная</p>Тропарь: воскресен гласа
Кондак, гл. 6
Премудрости наставниче, смысла Подателю, немудрых Наказателю и нищих Защитителю, утверди, вразуми сердце мое, Владыко: Ты даждь ми слово, Отчее Слово, се бо устне мои не возбраню, во еже звати Тебе: Милостиве, помилуй мя падшаго.
На литургии
Прокимен, гл. 8: Помолитеся и воздадите Господеви Богу нашему.
