За Достойно, ирмос: Радуйся, Царице, Матеродевственная славо; всяка бо удобообращательная благоглаголивая уста витийствовати не могут Тебе пети достойно; изъумевает же ум всяк Твое рождество разумети: темже Тя согласно славим.
Причастен: Дух Твой благий наставит мя на землю праву.
На вечерни Прокимен, гл. 6: Кто Бог велий, яко Бог наш, Ты еси Бог творяй чудеса.
<p>Понедельник Святого Духа</p>На литургии
Прокимен, воскр., гл. 6: Спаси, Господи, люди Твоя и благослови достояние Твое.
Аллилуиа, гл. 2: Помилуй мя, Боже, по велицей милости Твоей.
За Достойно: Радуйся, Царице… (как в день Пятидесятницы).
Причастен: Дух Твой благий наставит мя на землю праву.
<p>Неделя 1-ая по Пятидесятнице: Всех Святых</p>Тропарь: воскресен, гл. 8
Тропарь Святым, гл. 4 Иже во всем мире мученик Твоих, яко багряницею и виссон, кровьми Церковь Твоя украсившися, теми вопиет Ти, Христе Боже: людем Твоим щедроты Твоя ниспосли, мир жительству Твоему даруй и душам нашим велию милость.
Кондак, гл. 8 Яко начатки естества насадителю твари, вселенная приносит Ти, Господи, Богоносныя мученики: тех молитвами в мире глубоце Церковь Твою, жительство Твое, Богородицею соблюди, Многомилостиве.
На утрени Прокимен, гл. 8: Воцарится Господь во век, Бог твой, Сионе, в род ирод.
На литургии
Прокимен, гл. 8: Помолитеся и воздадите Господеви, Богу нашему.
И Святым, гл. 4: Дивен Бог во святых Своих, Бог Израилев.
Аллилуиа, гл. 4: Воззваша праведнии, и Господь услыша их.
Причастен: Хвалите Господа с небес, хвалите Его в вышних.
И другой: Радуйтеся, праведнип, о Господе, правым подобает похвала.
<p>Неделя 2-ая по Пятидесятнице: Всех Святых в земле Российской просиявших</p>Тропарь: воскресен гласа
РУССКИМ СВЯТЫМ, ГЛ. 8
Якоже плод красный Твоего спасительнаго сеяния, земля Российская приносит Ти, Господи, вся святыя, в той просиявшия. Тех молитвами в мире глубоце Церковь и страну нашу Богородицею соблюди, Многомилостиве.
Кондак, гл. 3 Днесь лик святых, в земли нашей Богу угодивших, предстоит в церкви и невидимо за ны молится Богу: ангели с ним славословят и вси святии Церкве Христовы ему спразднуют: о нас бо молят вси купно Превечнаго Бога.
На утрени Величание: Величаем вас, святии вси, в земли Российстей просиявшии, и чтим святую память вашу, вы бо молите за нас Христа, Бога нашего.
На литургии
Прокимен гласа и святым, гл. 7: Честна пред Господем смерть преподобных Его.
Стих: Что воздам Господеви о всех, яже воздаде ми.
Аллилуиа, гл. 1: Бог даяй отмщение мне, и покоривый люди под мя.
Стих: Величай спасения царева, и творяй милость Христу Своему Давиду, и семени его до века.
Причастен: Хвалите Господа с небес, хвалите Его в вышних.
И Святым: Радуйтеся праведнии о Господе, правым подобает похвала.
<p>Тропари, кондаки и прокимны</p>На празники Господские, Богородичные и Великих Святых
<p>8 сентября Рождество Пресвятой Богородицы</p>Тропарь, гл. 4
Рождество Твое, Богородице Дево, радость возвести всей вселенной: из Тебе бо воссия Солнце правды, Христос Бог наш, и разрушив клятву, даде благословение, и упразднив смерть, дарова нам живот вечный.
Кондак, гл. 4 Иоаким и Анна поношения бесчадства, и Адам и Ева от тли смертныя свободистася, Пречистая, во святем рождестве Твоем. То празднуют и людие Твои, вины прегрешений избавльшеся, внегда звати Ти: неплоды раждает Богородицу и Питательницу жизни нашея.
На утрени
Величание: Величаем Тя, Пресвятая Дево, и чтем святых Твоих родителей, и всеславное славим рождество Твое.
Прокимен, гл. 4: Помяну имя Твое во всяком роде и роде.
На литургии
Прокимен, гл. 3, песнь Богородицы: Величит душа моя Господа, и возрадовася дух мой о Бозе Спасе моем.
Стих: Яко призре на смирение рабы Своея; се бо отныне ублажат мя вси роди.
Аллилуиа, гл. 8: Слыши дщи и виждь, и приклони ухо Твое.
За Достойно, ирмос: Чужде матерем девство, и странно девам деторождение: на Тебе, Богородице, обоя устроишася. Тем Тя вся племена земная непрестанно величаем.
Припев: Величай душе моя от неплодове рождшуюся Деву Марию.
Причастен: Чашу спасения прииму, и имя Господне призову.
<p>14 сентября Всемирное Воздвижение Честного и Животворящего Креста</p>Тропарь и кондак: как в среду
