Псалтырь, или Книга псалмов - одна из библейских книг Ветхого Завета, состоящая из 150 песен и псалмов, которые имеют своим содержанием благочестивые излияния восторженного сердца или разных испытаний жизни. Автором этой книги обыкновенно считают царя Давида и, действительно, во многих псалмах можно найти отголоски его бурной, исполненных всяких превратностей жизни. Но в тоже время на многих псалмах лежат явные следы позднейшего происхождения. Другими словами, Псалтырь есть поэтический сборник, который составлялся постепенно, подобно всякому коллективному поэтическому произведению.
Аще иерей, глаголет:
Благословен Бог наш, всегда, ныне и присно и во веки веков.
Аще ли ни, глаголи умиленно:
Молитвами святых отец наших, Господи Иисусе Христе Боже наш, помилуй нас.
Аминь. Царю Небесный. Трисвятое. И по Отче наш…
Помилуй нас, Господи, помилуй нас, всякаго бо ответа недоумеюще, сию Ти молитву яко Владыце грешнии приносим: помилуй нас.
Господи, помилуй (40).
Всесвятая Троице, Боже и Содетелю всего мира, поспеши и направи сердце мое, начати с разумом и кончати делы благими богодухновенныя сия книги, яже Святый Дух усты Давидовы отрыгну, ихже ныне хощу глаголати аз
Приидите, поклонимся Цареви нашему Богу.
Приидите, поклонимся и припадем Христу, Цареви нашему Богу.
Приидите, поклонимся и припадем Самому Христу, Цареви и Богу нашему.
Таже постой мало, дондеже утишатся вся чувства. Тогда сотвори начало не вскоре, без лености, со умилением и сокрушенным сердцем. Рцы cue: «Блажен муж…» тихо и разумно, со вниманием, а не борзяся, якоже и умом разумевати глаголемая.
1 Блажен муж, иже не иде на совет нечистивых и на пути грешных не ста, и на седалищи губителей не седе, 2 но в законе Господни воля его, и в законе его поучится день и нощь. 3 И будет яко древо насажденное при исходищих вод, еже плод свой даст во время свое, и лист его не отпадет, и вся, елика аще творит, успеет. 4 Не тако нечестивии, не тако, но яко прах, егоже возметает ветр от лица земли. 5 Сего ради не воскреснут нечистивии на суд, ниже грешницы в совет праведных. 6 Яко весть Господь путь праведных, и путь нечистивых погибнет.
1 Вскую шаташася языцы, и людие поучишася тщетным? 2 Предсташа царие земстии, и князи собрашася вкупе на Господа и на Христа Его. 3 Расторгнем узы их и отвержем от нас иго их. 4 Живый на Небесех посмеется им, и Господь поругается им. 5 Тогда возглаголет к ним гневом своим и яростию Своею смятет я. 6 Аз же поставлен есмь Царь от Него над Сионом, горою святою его, 7 возвещаяй повеление Господне. Господь рече ко Мне: Сын Мой еси Ты, Аз днесь родих Тя. 8 Проси от Мене, и дам Ти языки достояние Твое, и одержание Твое концы земли. 9 Упасеши я жезлом железным, яко сосуды скудельничи сокрушиши я. 10 И ныне, царие, разумейте, накажитеся вси судящии земли. 11 Работайте Господеви со страхом и радуйтеся Ему с трепетом. 12 Приимите наказание, да не когда прогневается Господь и погибнете от пути праведного, егда возгорится вскоре ярость Его. Блажени вси надеющиеся Нань.
2 Господи, что ся умножиша стужающии ми? Мнози востают на мя, 3 мнози глаголют души моей: несть спасения ему в Бозе его. 4 Ты же, Господи, Заступник мой еси, слава моя и возносяй главу мою. 5 Гласом моим ко Господу воззвах, и услыша мя от горы святыя Своея. 6 Аз уснух, и спах, востах, яко Господь заступит мя. 7 Не убоюся от тем людей, окрест нападающих на мя. 8 Воскресни, Господи, спаси мя, Боже мой, яко Ты поразил еси вся враждующыя ми всуе: зубы грешников сокрушил еси. 9 Господне есть спасение, и на людех Твоих благословение Твое.
Слава: