<p><strong>Грех оставляется</strong></p>Аще пал еси в грех некий великий,проси милости у Христа Владыки.Скоро ту явит, токмо не вращайсяно исправляйся.<p><strong>Грех паче скорбей</strong></p>ягота людем есть скорби терпети,глад, огнь и врачи с оружием зретили губителства язвы созерцати,беды страдати.Но мало сия зло мощно вменяти,аще восхощем с грехом уравняти,той бо лютшую беду содевает,где ся вселяет.Скорбь телу токмо может досадити,или во вещех тщету сотворити.Душы нимало вредит, ни отьятивесть благодати.Грех паки смертный душу умерщвляет,ибо ю с Богом живым разлучает,съединяет же с врагом всегубящым,смерть наносящим.Тем же, аще бы каменми дождитисвыше, снизу же рекам огня плыти,ни мала может сотворити вредасицева беда.Всем, иже тако живот провождают,яко Божия Слова поучают.Незлобивым бо что-либо случится,в добро вратится.Несть то печаль им богатств ся лишати,раны без вины лютыя страдати,И на саму смерть за Божие Словосердце готово.<p><strong>Греха степени</strong></p>Простое прежде входит во ум мышление,та же крепкое злобы воображение.Последует утеха с плоти движением,наконец грех ся родит соизволением.Тако враг совершенно в сердце ся вселяет,душу, без благодати сущу, умерщвляет.<p><strong>Грехи чуждыя извиняти</strong></p>Блюдися, возлюбленне, любопытлив бытижития ближних твоих и грехов судити.Аще негли видиши дело и лукаво,деемое онеми, ты сам живи право.Оны же в сердце твоем тщися извиняти,неведение, случай ли скорость вменяти.Аще же сими ум твой не упокоится,напоследок мысль в тебе сия да родится:О, коль велие терпе брат искушение!Люто на нь демонское бяше стремление.Что бых аз, окаянный, могл тогда творити,егда бы взял враг на мя власть тако кусити?О Человеколюбче, блюди мя от негои падшаго возстави ближняго моего!<p><strong>Грешен кийждо</strong></p>
