Нива от терний егда очистится,тяженна сущи, уплодотворится,Земледелцеви любезна бываети паче ону тоя ублажает,Яже не име терния на себе.а несть полезна ко плодов потребе.Тако и душа, от грех очищенна,елма бывает уплодотвореннаБлагими делы, паче Богу мила,нежели, яже грехов не плодила,А пребывает в неплодовании.Зри, кая сила в благодеянии.<p><strong>Доволство</strong></p>Кто малым доволен, есть муж богат зело,жителствует честно и присно весело.<p><strong>Долг чад</strong></p>Родителие чада во мир привождают,за то от онех чести достойни бывают.А яко наставляют благочестно жити,в покорении оным должна чада бити.За воспитание же и одеяниедолжна суть старым чада благопитание.<p><strong>Долгорук</strong></p>Артаксеркс, царь персидский, десницу имяшедолжшую, неже шуйца, и то глаголаше:Царская ми десница долга есть даяти,кратка же ми есть шуйца, не хощу бо взяти.Воистинну десница долга и у Бога,ибо всем даяния Его зело многа.Кратка же велми шуйца, не хощет взиматизлата и сребра от нас. Его свойство — дати.тем Божие и царско есть даяти дело,има точен будеши, токмо давай смело.Не страшися нищеты, ибо не скудеетдесница, яже чинно даяти умеет.<p><strong>Должник безпечалный</strong></p>Гражданин некто во Риме живяше,иже премного должен злата бяше.Обаче мирно век си проводил есть,весело жил есть.Концу пристигшу, иже вручьствоваху,должнаго сребра судом поискаху.Судия веле сущая ценити,долги платити.Все имение ни во что вменисяпротиву злату, им же одолжися.Тогда град Римский почудися зело,что жил весело.Август же кесарь веле одеялоего купити, аще бяше мало,приглагола бо: Благ сей покров бяше,под ним же спашеТоликий должник. Мощно и мне спатипод тем покровом, печали не знати.Дворски то рече, но печали знаше,донде же бяше.<p><strong>Дом добродетелей</strong></p>Высокое здание хотяй съоружити,должен основание низу положити.Та же на нем жилища многа назидати,иначе бо немощно крепко им стояти.Без основания бо все ся разоряет,что человеческая рука назидает.Подобне и во нравех, аще назидаетдом кто добродетелей и тверди желает,Нужда основание смирения дата,та же на нем доброты ины утвержати.Без него бо молитва и пост исчезает,милостина суетна, и все погибает,Что-либо может добро вправду нарещися.Тем же, всяк человече, смирен быта тщися,Да не вотще доброты ины положиши,но дом честный в жилище Богу утвердиши.За нь же вечный от Него уготован тебеот сложения мира во пресветлом небе.<p><strong>Дом плача и дом пира</strong></p>
