Пустынножитель некто сродника имяше,иже епископ быти вседушно желаше.Он его увещал есть мысль ту отложити,яко бедственно зело на высоте быти.Послушал сродник старца, мысль ону лишил есть,Потом мало жив, век сей на ин пременил есть.Явив же ся старцеви, слово глаголашеблагодарное, яко совет ему даше,Еже бы епископска сана не желати,но в смирении век свой выну провождати,И рече: Веждь то, яко был бым осужденны,аще на епископство был бых возвыжшенный.Оле бедства страшнаго во сане велице!Ну ж дно есть спасение кому ж до владыце,Яко за многи душы имать отвещати,уне убо на той сан самем не желати.Но аще возведет Бог, тогда бодрым быти,а, яко на стражнице, неусыпно жити.И Златоустый святый: Чюждуся, глаголет,аще кто от началных спасен быти может.Аще тако началство беду имать многу,в подначалстве трудимся истинному Богу.<p><strong>Епитафион</strong></p><p><strong>Преподобному отцу Епифанию Славинецкомубогослову и многих язык мужу искусну</strong></p>Стани, путниче, зде и умилися,где Епифаний те лом положися,Иеромонах, богослов искусный,честно поживый, днесь уже бездушный.Душу бо вручил Царствующу в небе,иде же и ты строй жилище тебе.<p><strong>Или сице</strong></p>Зде Епифаний муж, исполнь мудрости,иеромонах, спрята своя кости.По честней жизни свято преставися,ты, читателю, о нем помолися.<p><strong>Или сице</strong></p>В гробе сем кости Епифаний честныйположил своя, учитель известный,Иеромонах, ты за нь помолися,а сам в путь той же присно готовися.<p><strong>Или сице</strong></p>Грядый человече, возри зде и стани,иде же положен отец Епифаний,Иерей в монасех, кроткий, мудрый, честный.Рцы, да водворит й Господь в рай небесный.<p><strong>Или сице</strong></p>Зде лежит честный отец Епифаний,изследник правый Священных Писаний,В многих языцех мнози его труди,за что вечная память ему буди.<p><strong>Епитафион</strong></p><p><strong>Преосвященному Павлу митрополиту Сарскому и Полонскому</strong></p>Павел митрополит Сарский и Подонский,отходя с Египта мира в град Сионский,В сем гробе остави честное си тело,души подаждь Боже, место всевесело.<p><strong>Или сице</strong></p>Павел митрополит зде преосвященный,многотрудным те л ом в гробе положенный,Пастырь и учитель, страннолюбец велий,душею да вселится во стране веселий.<p><strong>Или сице</strong></p>Павлу митрополиту Сарску и Подонскудажде, Христе, со аггелы песнь пети Сионску,В сем гробе многотрудны мощи положившу,Богу, Церкви и царству весь век свой изжившу.<p><strong>Или сице</strong></p>Зде лежит сирых отец и нищих питатель,странных, книжных, церковных в дом свой призыватель.Зде Павел митрополит положи си кости,Ты, Христе, всели душу в вечныя радости.<p><strong>Или сице</strong></p>
