<p><strong>Жертва неправая</strong></p>Иже чюждая в жертву Богу посвящает,аки сына в очесех отчих закалает.<p><strong>Жестосердие</strong></p>Сердце без благодати Божия жестеет,яко блато без воды, густея, твердеет.2Наковално, млатами биемо, твердится,злобно сердце ранами паче ожестится.Образ есть в Фараоне, иже, быв казненны,не умягчися, даже в понте погруженны3Терпение Божие, не крепкая силаФараоново сердце в злобе ожестила,Ибо, яко легчае Бог его казнил есть,он, не умягчаяся, сердце ожестил есть.Аще же был бы тяжше от Бога казненны,негли абие был бы сердцем умягченны.Чесо же ради Господь сие сотворил есть,судбы Си праведныя от нас утаил есть?Яве, яко достоин исчезнути бяше,иже род Исраилский излиха томяше.<p><strong>Живописание</strong></p>Бе живописец добре изученныйв Роде, именем Протоген реченный.Сей рябку тако живо написаше,даже к ней живых множество леташе.Инде змий тако живописан бяше,яко же в птенцех пение держаше,Иже Лепиду не даяху спати,змий за то страхом не дал им пискати.На Клавдиеве феатре прелщахурод вранов окна, яже от вап бяху,Непщующе бо праведная быти,тщахуся теми на ветр излетети.Апеллес коня тако написаше,яко же кони живыя прелщаше,Мняще бо того коня жива быти,не престаяху рзание творити.Им же некая лица ся писаху,яже знамена и черты являхуЖивых, яко же бе возможно знатифизиогномом, что о них вещати.<p><strong>Живот</strong></p>
