<p><strong>Любовь Божия к нам</strong></p>Вскую Бог Отец изволил есть датиСына во окуп мира, хощу знати.В первых, да явит богатство благостии сокровище Своея милости.Правды жестоту изволил явити,егда демоны нужда бе казнити.Милосердие избра показати,егда бе требе род наш казни дати.Паки, яко смерть Сына Его бяшевременна, а мир вечно умираше.Изволи убо на временну датиСына, еже бы мир вечны изьяти.Наконец, явил любовь превелику,да и мы точне возлюбим Владыку,Чад за Нь и себе самех не щадяще,на чюдный образ любве Его зряще.<p><strong>Любовь Бога</strong></p>Кто Бога любит, слово соблюдает,заповедь Его делом исполняет.Небрегий паки того соблюдатине может прав ся христианин звати.<p><strong>Любовь ко врагом</strong></p>Не любящыя тебе ты да возлюбиши,тако богоподобен сын ся сотвориши.Бог и на враги свет Свой и росу пущает,тебе благо творити врагом научает.<p><strong>Любовь к воем</strong></p>Александр Македонский воина у виде,иже от хлада люта к вратом смерти приде.Воста от седалища, того посадил естьи теплотою огня в живот возвратил есть.Оле воинолюбца! Честь си забывает,тоя паче воинов живот почитает.2Троян кесарь Римский с враги воеваше;егда многи вой си язвенны зряше,Не имущыя же язвам вязания,не жале л есть царска си одеяния,Ибо то раздерл есть и даде вязатираны уязвленным: оле благодати!<p><strong>Любовь к подданым</strong></p>Егда за грех Давыдов Бог люди казняшевсегубителством, тогда Давыд вопияше:Аз есмь грех сотворивый, Боже, обратисяна мя с казнию Ти, сим милостив явися.Оле любве царския! Сам хощет умрети,аки отец ли мати за любыя дети.<p><strong>Любовь и ненависть</strong></p>Иде же скудость света, тамо тма бывает,иде же не есть любовь, ненависть витает.Аще же Бог любы есть, ненависть конечнодемона нарицати — дело человечно.Убо, яко, иде же любы обитает,тамо, по Богослову, Сам Бог пребывает,Последователно есть, да демон вселится,в не же сердце ненависть злая вкоренится.<p><strong>Любовь мира</strong></p>Григорий святый, Богослов ременный,на патриарший престол бе прошенныйОт иерархов восточныя страны,яко изряднший между христианы.Египетский въпреки тому быша,мятеж великий во Церкви твориша.Видя то, отец, полный благодати,ко иерархом нача восклицати:Отци святии, аще мене радимолва движется во Христове стаде,Яко Иону, верзите мя в море,да бы оставят волны сия вскоре.О дивный зело се мира любитель,единства в Церкви Христове рачитель!<p><strong>Любовь к людем</strong></p>
