Врачь аще из язвы оток истискаети вредная режет, тело устрабляет.Тако, аще грехи брата истребишичрез наказание, душу уздравиши.2Благо есть милостыню убогим творити,но лучше грешна мужа к Богу обратити,Милостиня бо тело нищаго питает,наказание душу грешнаго спасает.3Уне грешника словом наказати,нежели о нем молбы возсылати.4Несть срам от менша наказанну быти,елма кто имать обычай грешити.Нафан Давида егда обличаше,не гневен бысть царь, но грех свой вещаше.5Хотяй согрешившаго брата наказатидолжен наказания образ добрый знати.Сей же есть, не от гнева наказ изводити,горкодосадных глагол из уст испустите,Ни же во укоризну, но в наставление,да есть же в благо время то обличение.Инако досадою брата разьяриши,вместо неправы, хуждша его сотвориши.6Без вины самому требе пребыватихотящу о гресе друга наказати.7Наказание тяжко мнится быти,но плоды правды обыче родити,ими же душа от греха целится,свята творится.Любите убо вси наказание,то приведет вы во покаяниео злобах бывшых, к благости наставит,Богу представит.8Его же Господь любит, того и смирает,в отчество небесное тако устрояет.<p><strong>Налог</strong></p>Лот из Содомы ити не хотяше,тамо бо жити наложил ся бяше.Старци нравы си трудно оставляют,в них же от дедства лета провождают.Аггелски нужды Лоту бяше требе,аггел, о старче, нужден есть и тебе,Да, яко Лота, взем тя за десную,ведет из нрав злых в страну небесную.2Юноша им же путем хождаше в юности,неудобно оставит той путь во старости.3Древний недуг неудобь может ся целити,ветхий налог нескоро леть есть изменити.<p><strong>Написание</strong></p>Написание мира всего тогда бяше,егда Мессия правый мир сей посещашеПришествием Си плотским; бысть же того ради,да вси идут людие в колен своих грады,Да и Мария убо идет к Вифлеому,тамо родитися Христу Пресвятому,Яко Михея пророк древле прорицаше,и тогда событие слово его взяше.Паки и того деля, да будет явленно,яко из Давыдова колена рожденноОтроча то святое, егда скиптр отьясяот Иуды, и Риму Иудея вдася,Да разумеют убо, яко той Мессияв Вифлееме рожденный от Девы чистыя.<p><strong>Наследие</strong></p>Хощеши наследие чадом оставити,прилежи благостыни оныя учити,Та бо наследство право, и зде препитает,и в царство небесное прямо устрояет.<p><strong>Началник</strong></p>
