Любезни Богу, иже суть смирении,тии бывают Онем возвыжшенни.На тех благодать Его почивает,тым небо дает.Смирение же то есть совершенно,еже в степенех шести заключенно,ими же, иже выну право ходит.во небо входит.Первый есть степень себе подчинятиначалником си и гласу въниматиих веления, той бо не заводит,в благодать вводит.Вторый степень есть тако с людми жити.выше ся сверстник не превозносити.но за равныя себе оны знати.честь воздаяти.Третий степень есть менших людей саномне презирати верным христианом.но немощем их выну снисходити,благо творити.Четвертый степень — худа себе знатии пред ближними смиренно вещатио себе самом; сие смирениеесть спасение.Пятый есть степень, еже непщеватинемногу мудрость в себе пребывати,но безхитростна себе мужа быти,в простоте жити.Шестыя степень есть имети готовосердце слушати началника слово,еже и худы службы совершати,а не роптати.Сими степенми мощно восходити,где Бог изволил престол утвердити,и тако почесть от Него стяжати.венец прияти.<p><strong>Смиренномудрие</strong></p>Елма перие пав свое смотряет,зело кичиво весь ся надымает;Егда же ног си черность созерцает,абие гордость свою оставляет.Ты аще дела благая узришив тебе, и того деля ся гордиши,Призри на злая, коль люта и многа.отрини гордость, знай тебе убога.<p><strong>Смиряяйся вознесется</strong></p>Поелику человек сам себе смиряет,потолику Господь Бог его возвыжшает.Христос Господь на земли до креста смирися,но в небе на престоле с Отцем посадися.Елико в трубах водных источник низходит, толико той же в гору обычно восходит.Вода живота с небес в юдоль земну сниде,Христос Господь, и паки на небо возьиде.И яко в мире смирен паче всех явися,тако выше всех в небе в славе утвердися. Со разбойники в мире лестном вмемен бяше.выше всех сил в небеси почесть восприяше.Убо кождо ся в сердце своем да смиряети пред человеки, кто высоты желает.<p><strong>Смущение</strong></p>Елма Царь небесный во мире родися,тогда злый Ирод, царь земный, возмутися.Земная высота тако ся смущает,егда смиренно Бог миру Ся являет.<p><strong>Снисхождение</strong></p>Иелисей со жезлом слугу посыланиевоскресити отрока, но той не можаше.Даже сам шед ко мощем, на них положися,смерив им себе, тогда мертвец воскресися.Точне подначалнии движимы бывают, аще началници им снисход проявляют.Любовь бо есть действенна, а жезл не успееттого деяти, ибо сердце тем жестеет.<p><strong>Собор</strong></p>Фома апостол от друг своих отлучися.тем же видети Христа унедостоися.В день же осмый, егда им бе совокупленный,явися, увери й Христос Божественный.Знамя си, яко благо во единстве жити,в собрании бо Христос рекл Ся выну быти.<p><strong>Соблазнь</strong></p>
