Камень фирреос егда цел хранится,плавает верху вод, а не грузится.Той же на части малы сокрушенный,во воде тонет, аки отягченный.Тако община аще есть согласна,не убоится случая напрасна.Аще же в разны части разделится,крепости праздна, въскоре разорится.2Скиф некто умный, богатый сынами,при конце жизни даде тул с стрелами,Повелевая им той преломити,но не могоша того сотворите.Та же особно комуждо си сыну,еже ломити дал стрелу едину.Удобно тии стрелы преломиша,нимало труда к тому приложиша.Тогда ко чадом отец возглашает,еже согласно жити, увещает:Аще союзни будете, вещаше,непреломимо странство будет ваше.Аще же союз будет разрешенный,удобь от врагов будете сотренны.<p><strong>Содома</strong></p>На Содому горящу лицем обратисяжена Лотова, тем же в слан столп претворися.Нам ум тою солию довле осолила,не зрети на содомска дела научила,Яже бяху огненна, ибо вси горяхудруг на друга похотми, себе распаляху.По делом же и казнь им от Господа бяше,огнь домы со жителми погибели въдаше.<p><strong>Сокол</strong></p>Сокол аще под небо крилы возлетает,на глас носителя си к рукам прилетает.Грешник егда во гордость умом возносится,на глас пастырск со плачем к нему да вратится.<p><strong>Сокрушение сердца</strong></p>Аще кто сердце свое сокрушает,грехи пред Богом на ся извещает,Имея волю въпред ся соблюдати,таковых грехов ктому не деяти,Уповает же в Божией милости, яко оставит, и к Его благостиМолитвы деет, себе устрояет,да Господь ему грехи оставляет,Аще и тайна исповеданияне прилучится против желания.На всяк день убо сия вси творите,утро и вечер сердца сокрушите.Тако безбедно возможете жити,жизнь безконечну в небе наследити.<p><strong>Сокрушение сердца</strong></p>
