<p><strong>Христос и Иоанн</strong></p>Христу расти достоит, Иоанн вещаше,мне же — умалитися. Когда сие бяше?Иоанн, пророк велий, тогда умаленны,егда мечем Ирода главы бысть лишенны.Христос Бог возраст прият, егда вознесесяна высоту крестную, повнегда распнеся.<p><strong>Христос нищь</strong></p>Содержяй всяческая Бог зело смирися,егда во Вифлееме от Девы родися.Ибо не во царския вселися полаты.ни облечеся в ризы бисерны ли златы.Но место рождению — не людей жилище,паче скотское Себе избра стоялище.Ни же людское ложе, в нем же положися,ибо во яслех скотских Бог наш воместися.Постелю не из перий Себе избирает,но на сене жестоце телом возлегает.Друзи не человеци, но скотове быша,вол бо с ослом в вертепе Его обступиша.Не драгими коврами вертеп украсися,но сетми паучими много исполнися.Вони ради благия фимиам не бяше.но смрад скот безсловесных ноздрям досаждаше.Вся нечеловеческа во потребу бяху,токмо пелены, яко младенца, вязаху.О смирения многа! Кто не удивится.яко Бог всебогатый тако нищ творится?Не по нужде же нецей, Сам тако хотяше,да терпением строит спасение наше.<p><strong>Христос Господь щедр</strong></p>Никогда Ся Христос Бог грешными гнушает.но на смиренных сердца скоро призирает.Не презре разбойника, первее хуливша,но послежде исповедь верно сотворивша.Блудницу плакавшуся от грехов простил естьи ятую на блуде смерти избавил есть.Жена Хананейская зане же смирися.дщерь ея от демона Христом свободися.Не презре на мытнице Леввия седяща,ни мытаря, смиренно милости просяща.Не ринул отрекшася, и неверна бывша,и прият в апостолство Церковь Си гонивша.Наконец, не гнушался распеншими Себе;дерзай же, всяк грешниче, не отринет тебе.Тецы со смирением, моли со слезами,а Господь есть с тобою, Той же есть и с нами.<p><strong>Христос Сын десницы</strong></p>Рахиль, родивши сына, умираше,Венони имя ему нарицаше.Что Сын болезни право ся толкует,за болезнь ея имя приличствует.Иаков паки прозва того сынаСына десницы, ли Вениамина.Христос Спаситель синагоге бяшеВенони. ибо она умираше.Ему рождшуся, но Отцу небеснуВениамин есть, приемый часть десну.Есть Сын десницы, ибо возлюбленный,во высочайшей славе посажденный.В вечном блаженстве вечно пребываети нам Помощник во нуждах бывает.<p><strong>Христос взыде на небо</strong></p>
