<p><strong>Б</strong></p><p><strong>Бдение</strong></p>Полезно выну бдети, не много же спати,ибо силен сон делом злым пищы даяти.<p><strong>Безбедство</strong></p>Несть нужда тому стражи утвержати,кто весть, як отец, чадом царствовати.<p><strong>Бездна</strong></p>Во бездне грехов скверных не люби лежати,но тщися в бездну щедров Божиих бежати.В овей лежя, погибель души содееши,в сию бегая, ону конечно спасеши.Бездна бо греховная во ад погружает,бездна щедрот Божиих в небо возвышает.2Бездна аз ничесого, невеждества, злобы,окаянства, достойный адския утробы.Бог же бездна бытия, блажества, мудростии неизреченныя глаголы благости.Бездна убо скудости, Боже мой, моеябездну днесь призывает полности Твоея:Исполни бездну мою, яко же есть требе,яко даянием несть лишение в Тебе.Яко солнце лучеса выну изсыпает,а ни на мало время в них оскудевает,И яко свеща свещи многи возжигает,обаче в полности си огнем пребывает,Тако дарове Твои весь мир исполняют,а в Тебе в полности си всегда пребывают.Выну от сокровища даеши Твоего,а еще полно, аки не нача Ты его.И аще восхощеши во веки даяти.в неоскудной полности имать пребывати.Оттого бездну мою изволи полнити,да вечно возмогу Ти раб и певец быти.<p><strong>Безказние</strong></p>Иже злобы злобником без казни прощает.сам есть тать ли разбойник, яко попущает,И зело люте Богом сужден имать быти,яко мог, не хотяше злобы истребити.<p><strong>Безместие</strong></p>
