<p><strong>Чародей</strong></p>Кто чародеи в дом свой призывает,обругав Бога, беса почитает.Может на мал час демон послужити,но вечно будет за то он томити.<p><strong>Чародейство</strong></p>В немощи к чадодеем иже прибегает,яд пия, не врачевство, душу убивает,Или во огни ищет безьумник прохлада,погибель ту известна, ни мала отрада.Кто виде волка, овцу зубами целяща,или лва гладна, в зубах часть мяса щадяща?Той и от чародеев может ожидати,яко леть помощь в скорби недужным прияти.Не лститеся, братие, демон не желает,да кто от правоверных здрав долго бывает.Хотел бы он в един час вся ны поморити,аще бы аггел Божий престал нас хранити.Аще же видится вам нечто помогати,летит вы, да дерзаете болше согрешати.На мал час пособствует, да уморит вечно,душы вринет в езеро огнем безконечно.Бог врачь есть всеистинный, к Нему притекайте,а естественных врачевств не пренебрегайте,Ибо естества средствы Он Ся не гнушает,но чрез та силу Свою мирови общает.Неправо убо деют, иже обхуждаютврачевства художество и врачы хухнают.Бог врачы и врачевство в ползу сотворил есть,а от чаров бособство проклято судил есть.Лучше убо от скорби верным умирати,неже бабы, шептуны в помощь призывати.Тако бо отходящым спастися удобно,а от шепт спасение никогда подобно.<p><strong>Час смерти</strong></p>Едина ти душа есть, аще погубишиту в един час. никогда ея искупиши.Аще же единою ты ону спасеши.никогда погубити тоя возможеши.От смертна часа черты есть всех спасение,от тогожде вечное душ погубление.Тщися убо в час смертный в благодати быти.тако бо в славе вечней даст ти Господь жити.2Час смерти, яко же тать, к живущым приходит,множицею безвестно во ин век преводит.Того ради Христос Бог бдети увещает,да неготовых сущых смерть не восхищает.<p><strong>Частость</strong></p>Не сила капли камень пробивает,но яко часто на того падает.Тако читаяй часто научится,аще и не остр умом си родится.<p><strong>Чаяние</strong></p>Не творяй делес, яже Господь завещает,всуе, яже обеща Он. прияти чает.<p><strong>Человек</strong></p>
