Житие протопопа Аввакума полностью

Да еще тебе, игумен Сергий, приказываю: порозыщи и нам о имени господни возвести, кто от духовных биет Евдокею Ивановну словесы нелепыми, лютейши камения. Со слезами мне говорит: «пущи-де никониян, батюшко, духовныя наветуют ми, и стражю-де от них понос и укоризну, насилу отдыхаю в бедах». На что, петь, так мучат сестру свою неправильне, забывше апостола, еже рече: «братие, аще человек впадет в некое согрешение, вы, духовнии, исправляйте таковаго духом кротости. Блюдый себе, да не и ты искушен будеши, друг другу тяготы носите»*. А еже только не согрешила сестра, а наветуют бесчинующе, и сего обычая ни во языцех обрести возможно где. Чюдно! Как та верным нам, а хуже неверных живем, взимающеся друг на друга своего!

Родион! Слыхал ли ты в правилех: «разлучивый мужа и жену – проклят»? Хочешь ли я тебе сию игрушку в душу посажю? Да хотя мы и в дальнем расстоянии, да слово божие живо и действенно проходит до членов же и мозгов и до самыя души *. Да не таково мне на тебя, что на Елену.

Добро, друже, бог тебя простит. Прощайся пред Оксиньею Гариловною и Ефремову книгу* отдай ей; тогда и от меня совершенно бог простит.

Аще ли ни, не уйдет то и впредь. Не имать власти таковыя над вами и патриарх, якож аз о Христе кровию своею помазую душа ваша и слезами помываю. Никто ж от еретик восхитит вас, православных християн, от руки моея; хощю неповинных представити вас в день просвещенный праведному судии. Да и бывало тако во время: Христос бдящу ми, и вселил вас всех во утробу мою. И царю Алексею говорено о том. Простись же с нею, да не отлучайте ея от мужа тово; аще хощет, пускай с ним живет.

Сергий! Возвести впредь о сем, каково к прощению тщание будет у них. Аще и Елена поищет со усердием прощения да ослабится тогда от епитимий и от худости моея благословение получит. Жаль мне ея гораздо; воздыхая, сице творю. Полно о том.

А еже изволившу духу святому вложити во ум отцу Досифею с челобитными по жребию стужати царю о исправлении веры, и кто аз силен возбранити воли божий, еже не быть тако? Да будет, да будет! Господь благословит тя и с Максимом от высоты святыя своея и от престола славы царствия своего! Тружайтеся господа ради, ходяще в премудрости ко внешним *. И мое имя по Христе обносите пред человеки; или кого величайте, или еретиков потязаите – се аз с вами есмь до скончания нашего века. Якож отец Досифей, и вы, церковная чада, даете ударити душа ваша духу святому. Се и мы с Епифанием – старцом хощем быти причастницы части вашея, да общее воскресение улучим о Христе Исусе. Да будет, да будет! И будет тщание ваше усердно, и господь славы посреде нас, по словеси Христову: «идеже два или трие собрани о имени моем, ту есмь посреде их»*.

Письмо к «отцам поморским»

Отцам в Поморие пишет.

Четвероконечная колесница огненнаго течения, ревнители Илиины, нравы подобящеся Крестителю, правыми стопами последовасте Христу: Саватие и Евфимий, Тимофей со Авксентием, молите бога о нас, грешных!

Вы постигосте вереи горам, а мы получихом вереи бедам; вы взыдосте на бестрастие, а мы погрязохом во глубине страстей; вы со ангелы беседовасте, а мы по человеку правшеся, яко с бесы; вы зряще к небеси, а мы влекущеся долу.

Но надеющеся на ваши отеческия молитвы, дерзаем со еретики братися до смерти по матери нашей, святей божией церкви. Аще бог по нас, кто на ны! * Со Христом и большому волку, хохлатой той собаке, глаза вырву, нежели щенятам. Молитеся только вы о нас, крепко и неослабно, господа ради, отцы святии. Мне веть неколи плакать: всегда играю со человеки, таже со страстьми и похотьми бьюся, окаянный. Ведаете и сами: беседы злы тлят обычаи благи *. В нощи что пособеру, а в день рассыплю, – волен бог, да и вы со мною. Бью челом вам не всклонно, не презирайте бедную мою, злосмрадную душю; молитеся, молитеся о грешнем Аввакуме протопопе.

Старец Епифаний, мир дав, благословения вашего отеческаго просит.

Еще же коленам вашим касаюся: поминайте в молитвах жену мою бедную и дети и о всем домишку молите Христа моего и содетеля всех бога, да приимете от него себе славы неувядаемый венец *. Паки, паки миром господу помолимся, господи помилуй!

Ну, простите, полно говорить. Вы молчите, но и я с вами престану говорить. Мир вам и благословение.

Пришлите мне гостинец какой-нибудь: или лошку, или ставец, или ино что. Али у самих нечево нет, бедные батюшки мои? Ну, терпите Христа ради! Ладно так! Я веть богат: рыбы и молока много у меня Христовою благодатию и пречистыя богородицы милостию и всех святых молитвами. Аминь.

Письмо к «отцу и брату, другу и советнику»

Письмо увещательное отступившему от православия и обратившуся и ищуща покаяния

Господи Исусе Христа, сыне божий, помилуй нас.