Еже корень есть в древе, то мысль в человеце,обое же есть тайно в настоящем веце.Корень есть под землею, не видим бывает;мысль в глубине есть сердца, никто ея знает.5 Но яко что в корени от силы таится,то послежде во ветвех и в плодех явится;Тако что сокровенно во мысли пребудет,то по мале во делех проявленно будет.Темже кто древо плодно имети желает,10 да здрав корень пребудет, тощно промышляет;Тако хотяй сам плоды благи приносити,да тщится в сердце мысли добрыя хранити:От добрых бо помыслов делеса благаяпроизводна бывают, от злых паки злая.<p><strong>УЧИТИСЯ И УЧИТИ</strong></p>Их же не вемы, тым ся нужда есть учити,яже вемы, та иным верно изъявити.<p><strong>ЧАСТОСТЬ</strong></p>Не сила капли камень пробивает,но яко часто на того падает;Тако читаяй часто научится,аще и не остр умом си родится.<p><strong>ПРЯ</strong></p>Елма словопрение начинает быти,ты же хощеши правый победитель быти, —Победи прежде тебе, потщися молчати,тако скоро можеши победу прияти;Вси бо тя мудра, кротка станут нарицати,спорници прощения смиренно желати.<p><strong>ВРЕМЯ</strong></p><p><strong>1</strong></p>Всяческое дело время устрояет,безвремение же оно истребляет.Добро есть во ино время глаголати,во ино же лучше слово удержати.<p><strong>2</strong></p>Преступство, егда требе есть слова, молчатии в молчания время слово разширяти.<p><strong>3</strong></p>Воин в потребно время мечь свой извлекает,в таково же язык твой слово да вещает.<p><strong>НЕВЕЖДА</strong></p>Невежда пути вожд да не бывает,книг неискусный да не поучает.Невежда мудраго елма поучает —слепец очитаго провождает.5 Сова о лучах солнца разсуждает,егда невеглас о мудрых вещает.<p><strong>КЛЕВЕТНИК</strong></p>Петель ногами обыче копатиземлю и пищи в ней себе искати.И аще злату цату ископает,со молчанием ону презирает.5 А случится червя ископати,кричит и тщится кокоши призвати.Равне клеветник доброты честныяпрезренны имат, что цаты златыя.А черви грехов аще усмотряет,10 всякое око зрети призывает.О злобы люты! Яже таителнаявленна творит: таит явителна.<p><strong>ДРУГ</strong></p><p><strong>1</strong></p>Хощеши друга истиннаго знати,послушай мало, имам ти сказати.Друг есть, иже тя в гресех обличаети злонравие твое обхуждает.5 Друг есть, заочно тебе ублажаяй,а в лице правду выну ти вещаяй.Друг, иже в нужде тебе помогает,во день печали тщиво утешает.Друг, иже за тя готов изтрошати,10 яже изволил господь ему дати.Друг, иже к благим делом увещает,а в злых ни мало помощник бывает.Друг, кто от благих твоих веселится,о злых случаех купно печалится.15 Друг, иже в скорби время не оставити неизменну любовь си проявит.Сицева друга требе есть искати,паче сокровищ богатых стяжати.Стяжаннаго же истинно любити20 и взаим добро оному творити.<p><strong>2</strong></p>
