Слон нелеполичный и велбуд горбатыйимеют обычай естеством завзятый,Еже внегда воду оным чисту пити,первее ногами ону возмутити.5 Се негли того ради содевают,да нелепия си в ней не созерцают.Подобне людие злие препинатислово обыкоша и книг не читати,Да худоличия си не усмотряют10 и злых дел не видят, яже содевают;Затыкают уши, да бы не слышати,яже проповедник хощет обличати.<p><strong>ЯЗЫК</strong></p>Малая часть телесе язык человека,но не виде злейшия никтоже от века,Ибо аще малое слово изпущает,хулно или клеветно, многи убивает.5 Легко оно исходит, но язву великуи зело тяжку в сердце деет человеку;Мягко аер проходит, но в сердце жестоковонзает ся и рану творяет глубоко;Из уст, яко же птенец малый, излетает,но яко велбуд с горбом абие бывает.И ни кими мерами может ся сокрити,весть же сердца человек многих озлобити.Убо разсудно слово всякое пущайте,да не будет стрелою, прилежно смотряйте;15 Аще бо яко стрела пойдет, то вратитсяне к языку, но в сердце и в смерть преложится.<p><strong>ВИНО</strong></p>Вино хвалити или хулити — не знаю,яко в оном и ползу и вред созерцаю.Полезно силам плоти, но вредныя страстивозбуждает силою свойственныя сласти.5 Обаче дам суд сицев: добро мало пити,тако бо здраво творит, а не весть вредити;Сей Павел Тимофею здравый совет даше,той же совет да хранит достоинство ваше.<p><strong>ДЕНЬ И НОЩЬ</strong></p><p><strong>1. Денница</strong></p>Темную нощь денница светла разсыпает,красным сиянием си день в мир впровождает,Нудит люди ко делу: ов в водах глубокихрибствует, ов в пустынях лов деет широких,5 Иный что ино творит. Спяй же на день многобедне, раздраноризно поживет убого.<p><strong>2. Полудень</strong></p>Оже среде небесе солнце бег свой деет,палит нивы, а скоты лучми зело греет,Иже в сени при водах от трудов хладятся,10 жнеци пищею и сном по трудех крепятся, —Так естество отчески строит еже быти,закон всем пишет вещем нуждный сохранити.<p><strong>3. Вечер</strong></p>Як заря день вещает, так нощь вечер вводит,в хлевину си скот идет, орач в дом приходит;15 Рало оставив, хлебом стомах укрепляет,утружденныя силы пищми обновляет;Таже сном сладким плоть си покоит стружденну, —сон бо богом дадеся в покой труду дневну.<p><strong>4. Нощь</strong></p>Нощь мрачная тму страшну на землю наводит,20 изветы часто, злобы и поводы родитВ готовых на вся злая, что злый ум вмещает.Обаче своя игры, утехи нощь знает;Временем есть полезна; но мудр сый блюдетсятмы нощныя, день любит, да в ней не преткнется.<p><strong>ПСАЛТЫРЬ РИФМОТВОРНАЯ</strong></p>
Царь Давид. Фронтиспис „Псалтыри“ Симеона Полоцкого.
Грав. А. Трухменсхий по рисунку С. Ушакова. Москва, 1680.
<p><strong>1</strong></p> 
