Делатель всякий плоды своя любит,хранит, яко да всуе не погубит,Да бы ся теми напредь ползовати,нужде пришедшей их употребляти.5 Домовит бодрый вся нести в дом тщится,что либо земных прижити случится,Да в нужды время возможет иметиим же бы скудость скорбну одолети..Сеятель класы в жатву собирает,10 блюдет, да ничто вотще погибает;Прятает в гумне, потом вземлет себена пищи нужду, елико есть требе.И трудолюбный мравий зело тщится,да в лето брашно к зиме готовится,15 Им же ся, хладу пришедшу, питает.Благо есть убо, кто плод собираетНе токмо земный, но паче духовный,ибо есть лучший плода вещна словный;Трудники слова Павел почитает,20 честь им сугубу дати увещает.Сию ми ползу дадеся познати,по щедрой бога жива благодати,В юности версте, егда отрекохся,мира и в ризы черны облекохся.25 Темже что писах, тщахся то хранити,зная, яко впредь может в ползу быти.Бых же аз инок в четвертой седмицылет моих, токмо кроме единицы;Негли же две их языком учихся,30 даже дидаскал быти сподобихся.Писах в начале по языку тому,иже свойственный бе моему дому.Таже увидев многу ползу бытиславенскому ся чистому учити,35 Взях грамматику, прилежах читати,бог же удобно даде ми ю знати;К тому странная сущи ей подобна,в знания ползу бяше ми удобна.Тако славенским речем приложихся,40 елико дал бог знати научихся;Сочинение возмогох познатии образная в славенском держати.Писах книжная, яко же ветиипишут и яко от ветий вящшии, —45 Яже возможно будет созерцати,елма бог даст я миру показати.Днесь не являю ради завидящих,их же не знают пред людми хулящих,Иже в то время не будуть хулити,50 егда ми даст бог мир духом лишити.Тогда бо ревность и зависть престанет,а кождо суду божию предстанетЗа рвение си должну мзду прияти.Но ты даждь, боже, зде всем ся каяти,55 Да о зависти сей никто судится,но всяк во любви сущь тебе явится.Писах и рифмы многи, той я знает,кто „Многоцветный вертоград“ читает,Мною сложенный, и псалмы святыя,60 яже сведох вся в метры славенския.Особно сия книга есть списанна,не во едино лето начертанна;В различных летех многи нужды быша,яже ми сия писати бедиша, —65 Яже в старости могут в ползу быти,егда не леть ми будет ся трудити;От труд готовых мощно будет взяти,аще ми даст бог старости дождати;Днесь бо точию лето совершаю,70 еже писменем „наш“ <50> право считаю.Нужд же тех вещи хощеши ли знати,оглавление изволи читати;В нем ти всякая нужда изъявитсяи лист, на нем же лежит, объяснится.75 Да даст же господь здраву ти читати,яже потщахся зде аз написатиИ юным твоим в науку даяти,да возумеют чинно глаголатиВ славу божию, такожь святых его,80 в научение возраста своего.Ползу ти сими прияти желаю,а любовь твою тощно умоляю:Да аще нечто погрешно узриши,то ми простити возблаговолиши,85 Ведая, яко не от злобы тоепогрешение, зде есть внесенное,Но или яко не успех познатиили в памяти не могох держати;Ина списатель преступно писаше,90 их же не узре бренно око наше.Церкви согласно вся тщахся писати,противных во ум не мыслих пущати.Тебе аще что противно явится,любовь не скоро судити да тщится:95 Мощно и тебе есть неких не знати,изволи ума словес поискати.Аще же весма что не согласится,молю, тобою то да исправится;За любовь господь сие вменит тебе,100 юже на земли возмездит и в небе.Чесого верно аз тебе желаю,святым молитвам твоим ся вручаю, —Помоли о мне всещедраго бога,да мя не лишит небесна чертога,105 Даст же с аггелы вечно в нем ми жити,где бог и тебе да даст выну быти.
