В ласть на лесть восприя́л еси́, Ки́ре блаже́нне, сострада́льца боле́зней име́в Иоа́нна сла́внаго. Тем сла́дости лу́чшия на Небесе́х наслажда́етеся.
В о́инством духо́вным препоя́сався, Ки́ре всече́стне, земно́е же во́инство оста́вив, Иоа́нне всехва́льне, на де́моны взя́сте от Христа́ победи́тельная.
С ла́ва: Фе́клине доброде́тели поревнова́вше, жены́ боже́ственныя, в де́вственную равноа́нгельную оде́жду благоче́стно оде́яшася, му́ченическим же жела́нием к по́двигом совлеко́шася.
И ны́не: Безсе́менно О́тчею во́лею от Боже́ственнаго Ду́ха Бо́жияго зачала́ еси́ Сы́на и пло́тию породила́ еси́, из Отца́ безма́терня, нас ра́ди из Тебе́ безо́тча.П лотско́ю не́мощию, укрепля́еми Христо́выми страстьми́, благосла́внии му́ченицы человекоуби́йцу [85] низложи́ша.
Б оле́зней пло́ти и нетле́нныя сла́дости Ду́хом Христо́вы му́ченицы прие́млюще, ра́довахуся.
С лава: Укрепи́ся немощно́е же́нскаго Кресто́м естества́, те́мже врага́ зми́я му́жески победи́ша.
И ныне: Ты еди́на земны́м па́че естества́ благи́х Хода́таица, Ма́ти Бо́жия, была́ еси́, те́мже Ти, ра́дуйся, взыва́ем.
Г о́споди, поми́луй.Д о́лу* влеку́щия сла́сти попра́вше, к муче́ния страда́льцы Боже́ственней высоте́ све́тло взя́стеся благода́тию, Ки́ре и Иоа́нне, вселе́нныя свети́льницы. Те́мже мо́лимся омраче́ния греха́ и неду́гов изба́вити ны, су́щаго над все́ми Бо́га моля́ще.
С лава, и ныне: По Бо́зе в Твой, Богоро́дице, прибе́г, смире́нный, покро́в Боже́ственный, припа́дая, молю́ся: поми́луй, Пречи́стая, я́ко превзыдо́ша главу́ мою́ греси́, и бою́ся, Влады́чице, мук, и трепе́щу, моле́ние сотвори́, Чи́стая, к Сы́ну Твоему́ от сих изба́вити мя.
