Если, делая дело Господне в смиренномудрии и благоговении, противник вооружит против тебя людей нерадивых с намерением препнуть тебя в правом житии, не бойся, не приходи в робость и не уклоняйся с прямого пути. Ибо апостол говорит: Во всем скорбяще, но не стужающе си: нечаеми, но не отчаяваеми: гоними, но не оставляеми: низлагаеми, но не погибающе. Всегда мертвость Господа Иисуса в теле носяще, да и живот Иисусов в теле нашем явится. Присно бо мы живии, в смерть предаемся Иисуса ради, да и живот Иисусов явится в мертвенней плоти нашей (2 Кор. 4, 8-11). Потерпи Господа (Пс. 26, 14), избранник Божий, и оскорбляющие тебя ныне удивятся славному твоему спасению, как написано: Праведник же аще постигнет скончатися, в покои будет. Старость бо честна не многолетна, ниже в числе лет изчитается: седина же есть мудрость человеком, и возраст старости житие нескверно. Благоугоден Богови быв, возлюблен бысть, и живый посреде грешных преставлен бысть. Восхищен бысть, да не злоба изменит разум его, или лесть прельстит душу его. Рачение бо злобы помрачает добрая, и парение похоти пременяет ум незлобив. Скончався вмале неполни лета долга: угодна бо бе Господеви душа его; сего ради потщася от среды лукавствия. Людие же видевше, и не разумевше, ниже положше в помышлении таковое, яко благодать и милость в преподобных Его, и посещение во избранных Его. Осудит же праведник умираяй живых нечестивых, и юность скончавшаяся скоро долголетную старость неправедного. Узрят бо кончину премудрого, и не уразумеют, что усоветова о нем, и во что утверди его Господь: узрят и уничижат его, Господь же посмеется им. И будут по сем в падение безчестно, и во укоризну в мертвых в век, яко расторгнет их безгласны ниц, и поколеблет их от оснований, и даже до последних опустеют, и будут в болезни, и память их погибнет. Приидут в помышление грехов своих боязливии, и обличат их противу беззакония их. Тогда станет в дерзновении мнозе праведник пред лицем оскорбивших его, и отметающих труды его. Видящие смятутся страхом тяжким, и ужаснутся о преславном спасении его. И рекут в себе кающеся, и в тесноте духа воздыхающе: сей бе, егоже имехом некогда в посмехе, и в притчу поношения. Безумнии, житие его вменихом неистово, и кончину его безчестну. Како вменися в сынех Божиих, и в святых жребий его есть. Убо заблудихом от пути истиннаго, и правды свет не облиста нам, и солнце не возсия нам. Беззаконных исполнихомся стезь и погибели, и ходихом в пустыни непроходимыя, пути же Господня не уведехом. Что пользова нам гордыня; и богатство с величанием что воздаде нам; преидоша вся она, яко сень, и яко весть претекающая. Яко корабль преходяй волнующуюся воду, егоже проходу несть стопы обрести, ниже стези шествия его в волнах. Или яко птицы прелетающия по аеру, ни едину обретается знамение пути, язвою же смущаяй биемый дух легкий, и разсецаемый силою шумящею движением крил прелете, и посем ни едино знамение обретеся проходу в нем. Или яко стрелою испущеною на намеренное место разсеченный аер внезапу в себе самом заключен бысть, яко не познатися проходу ея. Тако и мы рождени оскудехом, и добродетели убо ни единаго знамения можем показати, во злобе же нашей скончахомся. Ибо упование нечестиваго, яко прах от ветра подъемлемый, и яко пена мягка от бури расторгнена, и яко дым от ветра разливается, и яко память пришельца единаго дне прейде. Праведницы же во веки живут, и в Господе мзда их, и попечение их у Вышняго: сего ради приимут Царствие благолепия, и венец доброты от руки Господни: яко десницею покрыет их, и мышцею защитит их (Прем. 4; 7-20. 5, 1-16).
