Святый угодниче Божий, праведный Артемие, присный хранителю святыя обители, твоим именем украшенной, и близкий защитниче всего северного края Российския страны: призри милостивно на усердную молитву нас грешных, и твоим благомощным предстательством испроси нам у Господа прощение согрешений наших, преспеяние в вере и благочестии, и ограждение от козней диавольских. Моли Господа, страждущую страну Российскую от лютых безбожник и власти их да свободит, и да возставит престол православных царей: верных рабов его, в скорби и печали день и нощь вопиющих к Нему, многоболезный вопль да услышит и да изведет от погибели живот наш, да подаст всем людем мир, тишину и нелицемерное послушание, да сподобит всех нас получити, по христианской кончине, небесное царствие, идеже вси праведнии, вместе с тобою, вечно славят Отца и Сына и Святаго Духа. Аминь. (Из акафиста.)
Память праведного отрока Иакова Боровичского – 23 октября (5 ноября).
Святый великий праведниче и преславный чудотворче, богоблаженный угодниче Христов Иакове, дивно прославленный на небеси и на земли данный нам от Господа целебниче и заступниче, к тебе припадаем с верою, любовию и благоговением и молимся от глубины души: помози нам, зело прогневавшым Господа и Создателя нашего, и испроси нам вся яже к житию временному и спасению вечному потребная: земли плодоносие, воздухов благорастворение, душ и телес здравие, в покаянии и благочестии преспеяние, веры православныя укрепление, суеверия посрамление, неверия искоренение, и всякаго благаго прошения нашего ко Богу исполнение. Услыши, угодниче Божий, всяку душу христианскую, в скорби и обстоянии тя молитвенно призывающую, ускори на помощь, облегчи скорби, уврачуй недуги и явися скорый предстатель требующих твоего заступления. Наипаче же в час кончины нашея не закосни приятии на помощь нам и умоли Господа даровати нам кончину живота нашего мирну, безмятежну, Святых Христовых Таин причастну и упования исполнену, да с надеждою спасения безбедно прейдем страшный путь воздушных мытарств и нпреткновенно достигнем вожделеннаго онаго царствия, еже уготовал Господь любящим Его. Ей, святче Божий! Услыши нас и не презри моления нашего, но сотвори нас соучастники бытии блаженства вечнаго, да вкупе с тобою спасения милосердием Христа Спасителя нашего воспоем и прославим Его со Отцем и Святым Духом, во веки веков. Аминь. (Из службы и акафиста.)
Рассказывая о духовных связях наших святых с правящими династиями Государей Российских, мы вынуждены были забежать вперед и сейчас нам предстоит вернуться в страшное время смены этих династий – в годы первой русской смуты…
Уместившись в пространство двух лет, сошлись даты…
