Брат некий в обители смиренно живяше,и без прекословия началных слушаше.Тамо близ бяше блато, во нем же живяхумноги жабы и воплем своим досаждахуМолящымся иноком. Такожде случисяжабам кричати, егда жертва приносися.Началник, не претерпев, инока послаше,да велит им молчати, ему завещаше.Се же рече смеяся, а брат послушливый,вправду посланна себе быти помысливый,Иде к жабам и рече: Именем Христовым,завещаю вам, жабы, не быти таковым.Престаните отселе досадно кричати.Оттоле гласа тамо жаб не бе слышати.Ныне же человеци, во церкви стояще,мол бы си при безкровной жертве приносяще,Многим глаголанием досады творяют.Речеши ли молчати, никако слушают.Еще огорчившеся, хулят иерея,обличения злобы не любят своея.Наипаче сокочут язычныя бабы,досаждающе паче, неже овы жабы.Тщитеся убо, бабы, жабы подражати,во время жертв духовных глас свой удержати.<p><strong>Жатва</strong></p>На ниве мира сего демон — севбы жатель,Бог же — токмо оставших класов собиратель.Их же не може демон серпом си заяти,Тыя Бог благоволит в гумно Си взимати.<p><strong>Жезл</strong></p>Родителем древяный жезл буди на чада,да не страждут железна от судии града.Уне в дому древяным в детстве оны быти,неже возратших градским железом казнити.2Моисий донеле же жезл в руце си держаше,не что ино, точию жезл древяный бяше.Егда же й поверже, в змия превратися,даже и Моисий его зело устрашися.Тако, аще на чада жезл в руках бываетотчих, наказания жезл он пребывает,Не могущ умертвите. Аще же пуститсяиз руку, тогда в змия люта претворится,Абие бо ко грехом чада ся склоняют,и теми уязвлени бывше, умирают.3Жезл Ааронов сухий цветы и плод даше,егда разсуждение о священстве бяше.Жезл, и от Иессея корене рожденный,без искуса мужеска у плод отворенный,Пренесе нам плод Христа, чистая Мария,ей же в чистоте мир весь не виде точныя.4Аще единою пес жезлом ударится,уже на всяко время жезла он боится.Адский пес жезлом крестным пораженныйединою о Христа, но есть устрашенныйИзлиха, тем же, аще где крест созерцает,не терпя силы его, всескоро гонзает.<p><strong>Желание</strong></p>Многих сердц желания Бог не исполняет,да, яже им спасенна, теми надаряет.<p><strong>Желание движется чим</strong></p>Зелену лву траву аще появиши,алчбы во сирищи его не взбудиши,Яко по естеству к траве не сложися,но мяса зверь лютый ясти научися.Противне, чрез мясо, телцу предложенно,алкание в чреве не будет рожденно,Яко не обыче он мяса снедати,но травою токмо чрево си питати.Сице плотским людем глагол о небесныхнесть в сладость, но слово сладко от телесных.Духовну же мужу мерзка телесная,желание родят, яже небесная.<p><strong>Желанием край</strong></p>
