Муж некто преподобный во путь шествоваше,случаем сонм псов скорых заяца гоняше.Заяц бедный ко ногам его прибежал есть,он, умилився, от псов онаго отьял естьИ рече к спутствующым: Братия святая,тако демоны душа гонится всякая.О блаженна та, юже Господь защищаети тако от демонов лютых избавляет!Яко же сей есть заяц нами избавленны,да будем и мы от тех Господем спасенны.<p><strong>Звание</strong></p>Не престает мирови солнце свет даяти,не престает Бог верных к Себе призывати.Различии же образы суть звания Его,не пренебрегает Он здания Своего.Зовет ны Писанием к Себе божественным,священными книгами, советом спасенным.Гласит проповедники, правды сказателмии отцы духовными, грехов казнителми.Точне чрез родители зовет преблагаячрез образы жития благаго святыя.Много благоденствием Господь призывает,злоключением паки, аки понуждает.Снедением совести премнози зовутся,въдуховенми внутрними такожде влекутся.Всяким Господь образом к Себе привлекает,яко всем человеком спастися желает.Точию нам есть должно не пренебрегатизвания Его, паче абие слушати.<p><strong>Звезда</strong></p>Звезды во человецех воли не вреждают,токмо страстми плоти нечто преклоняют.Тем же на звезды вины несть леть возлагати,егда кто зло некое обыче деяти.<p><strong>Зверь</strong></p>Прежде греха Адама звери почитаху,повелетелству его себе покаряху.Егда же согрешил есть, не хотеша знати,но и устремишася сопротивно стати.За непокорство к Богу службы их лишися,от безсловесных во казнь греха обличися.<p><strong>Здравие</strong></p>Мравий пшеницу в лете собирает,ею же в зиме алчбу укрощает.Мы во здравии Богу да молимся,да теми молбы в недузех твердимся,Ибо в них часто ум ся помрачаети что деяти, человек не знает.<p><strong>Зеленость</strong></p>
