От земля человеку Творец плоть создал есть,в оживление тоя душу жизни дал есть.Вскую же плоть из земля, поне же можашеиз ничесого, яко душы нам создаше?Во-первых, да, вещь худу зряще, не гордимся,землю себе знающе, пред Богом смиримся.Паки, да благость Бога тщимся прославляти,яко в землю худу дух чист изволил датиИ образ божественный Свой в нас положити,да бы и нравы точным нам Оному быти.Но увы, зело скоро в Адаме забыхом,яко от худы персти сотворени быхом,Ибо в той же день, во нь же Адам создан бяше,Еввою прелщен, яко Бог быти желаше.И мы прародителя часто подражаем,ибо без числа против Богу согрешаем.Адам за грех из рая Богом бе изгнанны,той же лежит и на нас суд, древле сказанны,Ибо во изгнании ныне пребываем,на породу райскую ели въепоминаем.Подобает же всяко рая нам искати,да бы отчество свое паки пристяжати.Но где земный рай? Бог весть. Нам вместо онагонужда лежит искати рая небеснаго.К тому, братие, тщимся всякими трудами,а Господь Бог готов есть в помощь быти с нами.<p><strong>Земля будем</strong></p>Человек перстный Адам яко согрешил есть,да в персть паки вратится, Господь й казнил есть,Да, иже начала си перстна не помняше,егда кичиво, яко Бог, быти желаше,Той на персть последнюю выну поминает,сердце си от гордости тако обуздает.Еще и того деля в землю ся вращаем,да злобу греха люту оттуду познаем,Яко, иже имехом без тля пребывати,ныне за грех должнствуем в землю ся вращати.Наконец, да, помняще в землю вращение,земных пристрастей мертвим во нас стремлениеИ ко покаянию сердца обращаем,да в небо пресел имея из тли, яко чаем.<p><strong>Зерцало</strong></p>Зерцало лицем к солнцу егда обратится,светлость и образ солнца в нем изобразится.Тако, егда человек сердцем к Богу будет,благодать в нем Божия и слава пребудет.<p><strong>Злато</strong></p>
