<p><strong>Книга жизни</strong></p>Во книзе животней кто несть написанны,в езеро огненно той будет посланны.<p><strong>Книга и молитва</strong></p>Негли некто желает, что есть лучше, знати:молитися Господу, ли книги читати?Августин отвещает: Чрез молитву многумы благоговейную беседуем к Богу,А егда Писание Святое читаем,Бога к нам глаголюща быти познаваем.Благо убо молитву к Богу возсылати,добро и Писание Священно читати.<p><strong>Козли, иже зли</strong></p>В стаде Христове суть овцы благия,обрящеши в нем и козлищи злыя,Яко в ковчезе Ноеве держимизверие быша добрии со злыми.Ныне суть купно, но вся разделятся,егда от добрых злии отлучатсяНа казнь вечную, ови же во славуна Суде Страшном вознесут си главу.Козлищи во снедь аду предадятся,овцы во оград небесный вселятся.Кто же козел есть, мощно познавати,егда и от свойств будем разсуждати.Козлом обычай чрез забор скакатии во оградех древа огризати.Забор есть закон, кто й преступает —козел, и древа правил зле снедает.Паки козлищи люте смрадны телы,грешници смердят скаредными делы.Козлищь из паствы на ину бегает,грешник из греха во грехи падает.Козлищем мал есть обычай глашати,грешник молитвы не рад возсылати.На козле власы к земли обращении,грешных сердц мысли земным прелеплены.Козли рогами людей нападают,грешници тако ж ближним досаждают.Яве убо есть тыя козлы быти,иже во гресех любят присно жити,Иже на Страшнем Суде возмездятся,демоном в руце творцы предадятсяВечную муку за тыя страдати,Горе и увы, выну воплствовати.<p><strong>Кознь</strong></p>Вран человека рода кознь вымышляет,ими же человеки различно прелщает,Отводя от дел благих, ко злым же скланяя,да бы не вселитися им в места святая.<p><strong>Кокош</strong></p>Кокош Себе Христос Бог мысленну прозвашеи нас птенцы под крыле Свое собираше.Днесь, яко кокош гласы различныя дает,егда птенцы на нужды различны глашает,Инако под криле си, ко пищи инако,от ястреба блюстися ин глас дает всяко,Тако Он различными гласы ны глашает,яко же различныя нужды быти знает.Зовет некия люди благотворением,иныя чрез печали, ины явлением,Словом некия токмо, а жезлом иныя,наказанием злыя, чрез милость благия.<p><strong>Конец</strong></p>Живый благо обычно благо умирает,а злому Бог благия кончины не дает.<p><strong>Конец жизни</strong></p>
