Не иже нача благо, совершен бывает,но добре совершивый, той ся ублажает.Благо нача Иуда, но люте скончася,предав бо на смерть Христа, сам смерти предася.Зло начало бе Савла, но добр конец взяше,ибо из гонителя всех учитель бяше.Ов от Христа в геенну огненну вселися,сей от сонмища во рай светлый водворися.2Начало благо в делех надежду раждает,но множицею она при конце прелщает.Добре Савл начаше, но в конце падеся,Иуда со Христом бе, но в ад низвержеся.Конец убо всякое дело ублажает,аще благ и по злобном начале бывает.Савл бе гонитель верных и свереп творися,но в Павла апостола потом преложися,Иже тако угоден бысть Церкви и Богу,даже во век имети хвалу ему многу.<p><strong>Конца зрети</strong></p>Егда хощеши дело начинати,конец первее требе разсуждати.<p><strong>Корень грехов</strong></p>Христос в мире явися дела раздрушити,яже демон лукавый тщася насадити.Тех же три суть корени, яко поминает,его же Богослова Церковь нарицает.Глаголя: Все, что в мире, есть похоть плотская,или гордость живота и похоть очная.Похоть плоти есть любовь сладостных те леей,вторая — любы богатств, приятных очеси,Гордость паки живота — чести любление,на сих нуждна секира есть посечениеНа три корени троя. Тыя Христос взял есть,егда на Себе тело наше восприял есть.На сладости те лесе — горко страдание,еже терпел есть чрез все в мире витание.На любовь богатств скудость изволил прияти,благоволив в нищете весь век пребывати.На гордость же живота прият смирениечрез во вертепе худом Свое рождение,Се же образ дая нам, да корени злыясечем, аки секирми, чрез доброты сия.<p><strong>Кощун</strong></p>
