<p><strong>Молитвы образ кадило</strong></p>Олтарь кадилный в храме ветсе бяше,на нем фимиам иерарх паляше.Еда Бог воню сладку обоняети Своя чювства тою услаждает?Не буди тако верным непщевати;чювств тленных чюжд Бог, невесть обоняти,Но яко образ молитвы кадило,самое знамя за вещь Богу мило.<p><strong>Молитвы ко святым</strong></p>Егда молитвы к святым Божиим бывают,како, далече суще, слышат или знают?По естеству не могут слышати и знати,найпаче мыслей наших несть леть усмотряти.Их же един есть Господь совершенный Знатель,яко Сый Сердцевиден, тех же и Создатель.Паче естества убо святии то знают,о чесом людие к ним молбы возсылают.Се же егда Господа Бога созерцают,в Нем же, яко в зерцале, вся зрима бывают,Тогда молитвы нашя и вся, яже требе,и самыя помыслы видят они в небе,Иже во их похвалу и во честь бывают,да нам ползу во нуждах наших содевают.<p><strong>Молитися присно</strong></p>Молитися Господу присно подобает,но како сие дело от кого бывает,Поне же ина многа нужда есть творитии неподобно выну в молитве пребыти?О сем ведателно есть, яко требе знати,како выну в молитве нужда пребывати.Не то завещается, да весь день молимся,но присно сердце к Богу имети да тщимся,Желание и любовь к Нему возносяще,тою, аки молбами, потребных просяще.Сия же безпрестанно может в сердце бытии внегда нам иная делеса творити.2Непрестанно молится, иже соблюдаетвсяко время молитвы, а не унывает,И еже, аще деет, то во славу Бога;сицеву мужу в небе мзда готова многа.<p><strong>Молчание</strong></p>Велегласный пророк древле вопияше:Горе ми есть, яко язык мой молчаше,Сиречь, грехи людей своих обличати,Озию о жертве кадилней смиряти.Многим и днесь горе прилично вещати,яко не хотят слов во ползу даяти.Горе, иже грех си не исповедают,и братии в гресех их не обличают.Горе и совета здрава не дающым,удобне той бедным даяти могущым.Горе не тщящымся правды защищатии истинны словом правым утвержати.Горе благо дарства Богу не поющыми добротворцем си того не деющым.2Совершенныя любве благостяжание,языка от слов многих твердо держание,Тожде покой истинный людем соблюдаети к сожитию благу други умножает.Тожде добродетелей есть совершениеи во страну вечныя жизни вселение.3Пифагор ученики егда наставляше,молчание хранити пять лет завещаше.Та же научившымся добре мудрствоватисоизволил веждество языком вещати.4Кто не умеет временно молчати,не научится добре глаголати.<p><strong>Монастырь</strong></p>Из моря рыбы в сады людие всаждаюти, внегда им хотети, тех употребляют.Христос из моря мира яже уловляет,в монастыри, яко в сад свойствен, пресаждает<p><strong>Монах</strong></p>
