<p><strong>Море</strong></p>В мори чюветвенном рыба рыбу же глощает,тако в мори житейстем друг друга снедает.<p><strong>Море преплавается в куколе</strong></p>Царь некий живот блудный провождаше;отцу духовну вину приношаше,Иже обыче его увещати,еже бы ему от блуда престати.Царь страхом Бога жива обдержася,выну престати ему обещася,Но в самом деле того не творил есть,всегда с тем страхом к нему приходил есть.Отец духовный стужи себе зело,нача цареви глаголати смело,Да, аще того не хощет престати,не имать ему прощения дати.Царь всесмиренно ему отвещаше,выну исправу нравов обещаше.Слезы лияше, но егда вратисяв дом свой, злым нравом паки победися.Того вознемог дыховный носити,отпущения у царя проситиНача, да в свою страну отпуститсяи ему тяжек не к тому явится.Царь моли зело, да не оставляет,корабля ему дати отрицает.Он, огорчився, корабль наимаше,но царь превоза везде возбраняше.Он, Духом движим, на брег прибегает,куколь на воде морстей простираетИ, яко в корабль, вшед во нь, крепко сташе,в паруса место параман держаше.Жезл за кормило восприял есть себе,и вся угодна бяху в той потребе,Иже, всем зрящым, пустися на мореи преплы его пучину воскоре.В шесть часов к брегу иному пристал есть,тако Бог чюдо дивно показал есть,Хотя блуднаго царя наказати,да бы поне, то видевшу, престатиОт злаго дела. О коль благ Создатель!Всяко ведет ны в благость всех Питатель.<p><strong>Моисий тайно погребеся</strong></p>Моисий боговидец егда преставися,архаггелом тело его утаися,Яко никому же и до ныне знати,на коем то месте Бог веле спрятати.Бысть се, воеже бы не быти почтенну,яко Богу живу, бывшу телу тленну,Ибо Иудеи могоша ся лстити,помняще чюдеса могшаго творити.<p><strong>Мудр кто</strong></p>Несть мудр читавый много, видевый и знаяй,но яже знает, добре тех употребляяй.<p><strong>Мудреци мира</strong></p>Сова птица в тме нощней может вещы зрети,во дни паки не может очима смотрети.Тако мира мудреци остро усмотряютсуеты мира сего, в тех мудри бывают,В божественну же светлость тупо возникают,неудобно делеса света познавают.<p><strong>Мудрствование</strong></p>В уме (всех паче) своем мудрствоватинесть мудрым быти, но есть буйствовати,Вящше бо очи видят, неже око,и свещи многи светлы суть широко.<p><strong>Мудрость</strong></p>
