<p><strong>Мудрость и буйство</strong></p>Мудрии века сего суть, иже гордятся,буи суть паки, иже пред всими низятся.Премудрии с младенцы знаменают то же,Ты смирению мене сам научи, Боже.2Мнози суть мудри на зло, безумии на благо,вси косни в благостыню, скори же до злаго.Тем неудобь к благому Богу выспрь восходим,скоро же к злому врагу в дебрь плача низходим.<p><strong>Мудрость и вежество</strong></p>Премудрость есть светилу велику подобна,ибо, яже о Бозе, являет удобна.Веждество же — малому, ибо в мире мрачне,яко в нощи сущая, являет прозрачне.<p><strong>Мудрости таение</strong></p>Приемый в стомах пищу, аще не сваряет,не сытость плоти, но вред лютый в ней познает.Тако имеяй мудрость, аще в себе крыет,зело немоществует душевно, не тыет.<p><strong>Мудрый</strong></p>Мудрый три лета должен есть хранити,да бы во ползу могл он в мире жити.Во-первых, нравы благо устрояти,потом же грехи в людех обхуждати,Третее. нижших изрядно чинити,еже бы людем благочинно жити.<p><strong>Муха победи хулника</strong></p>
