Брат некий Писание Святое читаше,но не сокрушашеся, яко ничто знаше.Тем же ко Арсению отцу путь приял есть,яко мудрому мужу, печаль си сказал есть.Арсений богомудрый ответ ему рече:Не буди о сем в тузе, Божий человече,Яко бо обаватель, елма обавает,аще обавания словес и не знает,Обаче сила того змии укрощает,тому ядоносныя гады покаряет,Тако ты Писание егда тощно чтеши,аще силы онаго нимало знаеши,Обаче знают оно змии проклятии,страшатся и гонзают демони всезлии,Не могуще терпети словес божественных.Шед убо, не престани чести книг священных.<p><strong>Пити нудящым ответ</strong></p>Мужа честнаго на пир иногда призвахуи пити паче меры онаго нуждаху.Он, видя пса лежаща, первее стужавшао пище, а послежде стужати преставша,Рече понуждающым: Сей пес меру знает.Се, яко насытися, к тому не стужает.Аз ли убо пса худей имам у вас быти,паче скотов без меры чаши вина пити?Человек приидох к вам, с умом отпустите,разума вином вашим мне не истребите.Не хощу аз за вино разума отдати,кому разум несть честен, изволте искати.<p><strong>Пища и питие</strong></p>Яжд и пий, человече, да можеши жити,не того живи ради, да можеши пити.Пища тебе есть деля, не ты ради пищи,царства небес и правды прежде всего ищи.<p><strong>Пиявица</strong></p>Две пиявице во нас всегда пребывают,непрестанно Принеси! Принеси! вещают.Едина хоть есть души, та суетств желает,другая — похоть плоти, та сластей прошает,А никогда ся могут теми насытити,не престают, яко же море реки пити.<p><strong>Пияница душу продаде демону</strong></p>
