<p><strong>Празднование</strong></p>Нива неделанная терние раждает.вода нетекущая черви умножает.Тако во уме праздне злы мысли бываюти желания скверных делес ся раждают<p><strong>Празность</strong></p>Хврастие и терние та нива раждает,на ней же плод насеян благий не бывает.Тако нива сердечна в злых плодех преспеет.аще ся полезными семены не сеет.<p><strong>Прах отрясите</strong></p>Иде же апостолов святых не слушаху.изшедше из града их. и прах отрясахуВ знамя благовестия. ими укоренна.яко отрясет оны рука божественна.Паки, да явят труд свой ползы не имущий,на презревшыя Себе гнев Божий будущий.Еще в знамя, яко им ни праха хотетиот земля нечестивых с собою имети.Наконец, яко имать казнь я отрясати,яко от лица земли весть ветр прах веяти.То же или в жизни сей. ли в веце грядущем,на Страшном Суде, кроме милости будущем.<p><strong>Пребывание</strong></p>Аще хощеши, кто каков, познати,зри. с ким обыче часто пребывати.Аще со злыми, зол конечно будет,аще с добрыми, в доброте пребудет.<p><strong>Пребывание в Христе</strong></p>Яко лоза розги си соком оживляет.тако благодатию Христос укрепляетПребывающыя в Нем. А иже въне Его,не могут благодати прияти от Него.Яко и розги, яже лозы отпадают,тука ея причастны не суще, ссыхают.2Пребываяй во Христе в солнце ся вселяет.при Его же лучесех в мраце не бывает.Паче, из света во свет вечный преселится,из благодати в славу вечну водворится.3Истинна рече: Иже во Мне пребывает,и Аз в нем, той муж плоды многи сотворяет.Слово сие нелестно, но хощете знати,кии суть плоды тоя Его благодати?Первый — яко человек от грехов хранится.ими же с Христом Богом сожитие тлится.Вторый — яко на дела благая бываетблагохотен, со Христос иже пребывает.Третий — яко прочыя может созидатидобронравием своим чрез дар благодати.Наконец, ожидати мзды творит вечныя,ею же обогатит Бог люди святыя.Потщимся убо с Христом выну пребывати.воеже бы нам плоды сицевы стяжати.<p><strong>Предание Христа</strong></p>
