<p><strong>P</strong></p><p><strong>Раб</strong></p>Раб во тму вовержеся. талант сохранивши,колми паче въвержется того погубивши?И аще казнь толику прият непотребныйраб. колику приимет. иже выну вредный?<p><strong>Раб верный</strong></p>Паноплион воин раба имеяше.иже ему верен потолику бяше,Яко же за н душу тому положити,да бы господину токмо живу быти.Бысть же дело сице: Паноплион бяшечести отсужденны, тем же й искашеСонм своинствовавшых. еже бы убити.Раб то ведый, хоте его застипити.Взят его одежды, украсися ими,господина дверми испусти задними.Взложил перстень на перст, в ложи положися.Паноплион быти тако притворися.Егда же воини ови прибегоша.в ложи лежащаго его обретоша.Непщующе быти собою искома,разсекоша раба за Паноплиона.Паноплион тако смерти свободися,а раб за любовь си славы сподобися.Яко и днесь в книгах его похваляют.во образ служащым верность предлагают.Аще умре телом, но слава во векиобносима будет между человеки.Во древния веки сицев раб живяше.точна ему время не раждает наше. <p><strong>Работа</strong></p>Иже врагу работни, мзда им есть колика?Во огни и жупеле мука всевелика.Оле воздаяния! Молю вы, гонзайтелюты врага работы, Богу работайте.Иже покой пресладкий рабом Си готуети царствие вечное в небеси дарует.<p><strong>Радость небесная</strong></p>Радость небесная зело есть велика,зане же не входит она в человека,Но человек в ону, яко Господь рече:В радость Господа ти вниди. человече.Отвсюду ти радость имать тя объяти.аки море пловца воды облияти.Свышше будет радость вседоволно многавидения ради истиннаго Бога.Снизу тажде имать изобилна быти.яко изволи Бог враги осудите.Будет и внутрь она, яко душа с теломублаженна будет в рай превеселом.Будет и вне тажде, яко будут друзивечно вси святии Бога жива слузи.Сию радость мощно без сребра стяжати,токмо волю Бога требе исполняти.Оле окаянства! ту мы погубляем,яко в нашей воли весь век иждиваем.Яже земных сущи, к земным низвлекает.а Бог в подземная за то осуждает.Уне бы небесну волю совершати.за то радость сию в небеси прияти.<p><strong>Радость сугуба</strong></p>
