Добрый обычай в мире содержится:в дом новозданный аще кто вселится,Все друзи его ему приветствуют,благополучно жити усердствуют5 И дары носят от сребра и златаи хлеб, да будет богата полата.Нищ ли кто в злато, — руце воздезаетк богу и молбы теплы возсылает,Да подаст здраво и щасливо жити,10 им же даде в дом новый ся вселити.Аз сей обычай честный похваляюи сам усердно ему подражаю,Видя в дом новый ваше вселение,в дом, иже миру есть удивление,15 В дом зело красный, прехитро созданный,честности царстей лепо сготованный.Красоту его мощно есть равнатиСоломоновой прекрасной полате.Аще же древо зде не есть кедрово,20 но стоит за кедр, истинно то слово.А злато везде пресветло блистает,царский дом быти лепота являет.Написания егда возглядаю,много историй чюдных познаваю:25 Четыри части мира написаны,аки на меди хитро извааны;Зодий небесный чюдно написася,образы свойств си лепо знаменася;И части лета суть изображены,30 яко достоит, чинно положены.И ина многа дом сей украшают,разумы зрящих зело удивляют.Множество цветов живонаписанныхи острым хитро длатом извааных,35 Удивлятися всяк ум понуждает,правый бо цветник быти ся являет.Едва светлее рай бе украшенный,иже в начале богом насажденный.Дом Соломонов тым славен без меры,40 яко ваанны име в себе зверы.И зде суть мнози, к тому и рикают,яко живии лви, глас испущают;Очеса движут, зияют устами,видится хощут ходити ногами;45 Страх приступити, тако устроении,аки живше лви суть посажденни.Окна, яко звезд лик в небе сияет,драгая слюдва, что сребро, блистает..Множество жилищ градови равнится,50 вся же прекрасна, — кто не удивится!А инех красот не леть ми вещати,ум бо мой худый не может обьяти.Единем словом, дом есть совершенный,царю велику достойне строенный;55 По царстей чести и дом зело честный,несть лучши его, разве дом небесный.Седмь дивных вещей древний мир читаше,осмый див сей дом время имать наше.В стране Египта пирамиды бяху,60 зданием дивным весь мир удивляху.Тамо и Форос пирг пречюдный бяше,иже огнь в себе выну содержаше;Нань же корабльми пловущии зряхуи в Нил безбедно в нощный час вхождаху.65 Третие чюдо Олимп содержаше,с кости слоновы Диев образ бяше,Толико чюдно хитрцем изваанны,даже подобньой в мире невиданны.Четвертый миру див колос реченный,70 мужь в граде Родис с меди сотвореный,Толь велий, даже корабли хождахумежду ног его, а щегл не спрятаху.Пятый в Ефесе бяше храм Дианны,в двесте двадесят лет едва созданны.75 Шестый в Карии гроб Маузолов бяше,иже ценою всяк ум удивляше.Во Вавилоне окрест града стеныв седмое диво от мудрых сочтены.Осмое ныне на Москве явися,80 егда сей царский твой дом совершися,Всячески дивный, красный и богатый,велелеп извне, внутрь нескудно златый.Вон же ти ныне вшедшу еже жити,всем подобает приветство творити;85 Достоит дары драгия даяти,любовь и верность тако проявляти.Кто убо богат, да идет со златом,с сребром, с собольми к царским ти полатом.Аз тех лишенный, дерзнух приходити90 с приветным словом, тем верность явити.Слово из сердца исходно бывает,что в чием сердце, то светло являет.Не тако злато, убо яко цатуприношу слово в царску ти полату.95 Христос царь цату изволил прияти,ты, царю, приими слово в место цаты.Слово же мое сияти вещает,их же благ сердце мое ти желает.Здравствуй, пресветлый царю, многа лета,100 живи век долгий в любви Христа светаВ доме сем новом, в нова человекаоблечен, живи до кончины века.Новый человек есть Христос царь славы,он же и венец царския ти главы;105 Его благодать тя да осеняет,от бед и скорбей тя да защищает;Его десница буди в помощь тебе,царю пресветлый, во всяцей потребе.Яко без света солнце не бывает110 и море водми не оскудевает,Тако ты Христа бога не лишися,яко в одежду в него облецыся.Да препояшет тя любовь Христоваи да поженет тя милость спасова.115 Он, Адам новый, ветхость обновляяй,печаль на радость в сердцах прелагаяй.Им твоя ветхость вся есть обновленна,им тебе радость буди совершенна.Радость в сем мире, радость же и в небе,120 радость о твоих и о самом тебе.Радость ти буди о светлой царице,выну хранимой в божией деснице.Здрава с тобою та да пребывает,выну ти сердце да возвеселяет125 Добродетельми, любезными богу,ими же светла она попремногу.Буди ти радость о богом ти данныхпресветлых сынех, в доброте избраных.О благородных сестрех веселися,130 о светлых дщерех пресветл проявися;Они бо дар суть богом ти врученный,вертоград, Христом тебе насажденный.Радость ти буди и о всей державе,бог да приложит славу ти ко славе.135 Желаемая вся ти да дарует,их же в мире сем сердце ти требует.А по доволстве жизни века сего,да тя призовет до дому своего,Дому вечности, царствия радости,140 исполнит дух твой райския сладостиИ даст с собою вечно царствовати,с царьми святыми вечно ликовати.Сих сердце мое благ тебе желает,а слово сие верно извещает, —145 Еже изволи в милости прияти,на мою худость светло призирати.
