<p><strong>ГУСЛЬ ДОБРОГЛАСНАЯ</strong></p>ВОСКЛИЦАЮЩАЯжелания всех санов и чинов российскихи благоприветствиянововоцарившемуся благочестивейшему тишайшемупресветлейшемувеликому государю царю и великому князюФеодору Алексиевичу,всея Великия и Малыя и Белыя России самодержцув день веселия сердца его,вон же венчаяй господь милостию и щедротамивозложи на главу его венец от камене честнавсесвященныма рукама святейшаго и всеблаженнейшаговеликаго господина кир Иоакимапатриарха Московскаго и всея России.Трудолюбием многогрешнаго иеромонахаСимеона Полотскагомысленно сооруженная, усердием уструненная,бряцалом пера биенная, рачителства десницеюи смирения шуйцею ему же, великому государю,върученная в летоот начала мира 7185, месяца иуния в 18 день,от рождества же Христова 1676.Вси мужие браннии, управлени к ополчению, сердцем совершенным приидоша в Хеврон, да поставят царя Давида над всем Иизраилем. Но и вси прочий от Иизраиля едино сердце бяху, да царь будет Давид.
1 Паралип., глава 12 (38)Тя прииму и царствуеши (над всеми), о них же жадает душа твоя, и ты будеши царь над Иизраилем.
3 Царство, глава 11 (37)Избра господь бог Иизраилев мене от дому отца моего, да буду царь над Иизраилем.
1 Паралипоменон, глава 28 (4)Буди господь бог твой благословен, иже восхоте тя дати на престол Иизраилев. И постави тя царя над ними творити суд в правду в судьбах его.
3 Царство, глава 10 (9)Изведе сына царева и возложи на нь венец царский и сведение, и воцари его, и помаза его, и плескали рукама и реша: да живет царь!
4 Царство, глава 11 (12)Благочестивейший, тишайший, пресветлейший, богомизбранный и богомвенчанный великий государь царь и великий князь Феодор Алексиевичь, всея Великия и Малыя и Белыя России самодержавный обладателю!
