1Святейшего и всеблаженнейшаго великаго господина кир Иоакима патриарха Московскаго и всея РоссииЖЕЛАНИЕДа благословит тя господь от Сионана высокочестнем месте царя фрона,Да благоволит же венчанную главу40 на премнога лета соблюдати здравуИ да не престанет на ню изливатипо вся дни своея даров благодати.2Благоверныя и христолюбивыя государыни царицы и великия княгини Наталии КириловныЖЕЛАНИЕЯже содержит божия десницаблагая людем, всех тебе царица45 И мати твоя усердно желает,молбы о тебе к богу возсылает.Да царствуеши на многая летаво светлых зарях превечнаго света.3Благороднаго и благовернаго государя царевича и великаго князя Иоанна АлексиевичаЖЕЛАНИЕИоан имя благодать являет,50 тоя ти брат твой от бога желает.Да тою душа ти будет живленнаи рука царска выну укрепленнаСкипетр держати верных в правление,на супостаты мечь во отмщение.4Благороднаго и благовернаго государя царевича и великаго князя-Петра АлексиевичаЖЕЛАНИЕ55 Петр имя камене толком знаменает,камен же твердость собою являет.Петр убо, брат твой, тверду тебе быти,непозыблему на престоле житиРадостно хощет и да победиши60 вся Голиафы, егда я узриши.5Благородныя и благоверныя царевны и великия княжны Ирины МихайловныЖЕЛАНИЕИрина мирная имать сказание;от Ирины тебе сие жалание,Да мир во державе твоей водворится,да кождо о своих благих веселится,65 Да мечы на рала будут прекованы,сулицы на серпы будут пределаны.6Благоверныя и благородныя царевны и великия княжны Анны МихайловныЖЕЛАНИЕАнна во имени своем радость носит;радости царевна Анна тебе проситОт всещедра бога. Да радость отвсюду70 тебе ся приносит, печаль ниоткуду.От всех твоих предел да есть веселие,яко бе в дни царя Августа велие.7Благоверныя и благородныя царевны и великия княжны Татианы МихайловныЖЕЛАНИЕПовелителница толк есть Татианы;повелителства ти, царю богом данны,75 Пресветла царевна усердно желает,да твой странным царствам жезл повелевает;Правлению его да ся покаряют,иже за пространным морем обитают.8Благородныя и благоверныя царевны и великия княжны Евдокии АлексиевныЖЕЛАНИЕЕвдокии толк есть благоволение;во тоя к тебе, царю, доброхотениеЕсть, да благих правых всех ся насытиши,желаний сердца ти да ся не лишиши.И да благоволит бог всещедрый в тебе,по временном царстве даст и вечно в небе.9Благородныя и благоверныя царевны и великия княжны Марфы АлексиевныЖЕЛАНИЕ85 Марфа сказанием есть попечение;Марфы убо тебе сие хотение:Да господь всещедрый печется тобою,управляя путь твой своею рукою,И в попечениих твоих да поможет,90 иже все что хощет преудобно может.10Благородныя и благоверныя царевны и великия княжны Софии АлексиевныЖЕЛАНИЕИмя София мудрость знаменает;София сестра мудрости желаетГлаве ти царстей, да мудро правишиданное царство и вся светло зриши,95 Яже во оном добре знати требе,Первосудии всех дел сущу тебе.11Благородныя и благоверныя царевны и великия княжны Екатерины АлексиевныЖЕЛАНИЕЕкатерина надежду являет,истинну купно таже знаменает;Надежды она молит ти у бога100 и да истинна возсияет многаВ дни царствия ти, за ню же на небевенец нетленный господь воздаст тебе.12Благородныя и благоверныя царевны и великия княжны Марии АлексиевныЖЕЛАНИЕМария тожде есть, что владущая:сестра хощет ти под солнцем сущая105 Имети власти, да вся приведешико Христу богу, души их спасеши.Да Владимиру точен ся явиши,многия роды верны сотвориши.13Благородныя и благоверныя царевны и великия княжны Феодосии АлексиевныЖЕЛАНИЕФеодосии имя си толкует —110 богоданная: таже усердствуетБогом данному царю ти нашему,да подаст господь скипетру твоемуВся управляти, яже обливаетокиан роды, и неба желает.14Благородныя и благоверныя царевны и великия княжны Наталии АлексиевныЖЕЛАНИЕ120 Имя Наталиа есть день рождения;сия желает тебе владенияВезде, где нужда есть от рожденияводою духом, богу въсынения;Сих же множество родов безчисленно,125 до конец земли в мире разширенно.15Благородныя и благоверные царевны и великия княжны Феодоры АлексиевныЖЕЛАНИЕЧто Феодора сестра ти желает,царю пресветлый, имя изъявляет;Седмочислием писмен заключенных,седми ти хочет даров божественных.130 Да теми будет душа исполненна,царства держава всечинно строенна.16Преосвященных митрополитов, архиепископов и боголюбивых епископовЖЕЛАНИЕАрхиереи богу служащии,жертву безкровну ему носящии,Вси ти всех благих усердно желают,135 молбы о тебе выну возсылаютКо богу щедру, да изволит датиздраво, щасливо тебе царствовати.17Всего пресветлаго сигклитаЖЕЛАНИЕСигклит твой царский, светлая полата,не ищет богатств, бисерей и злата140 Тако, яко же царстей ти светлостижелает тощно здравия целости.Занеже кождо готов умиратиза тя, всех главу, главу полагати.18Преподобносвященных архимандритов, священнопреподобных игуменов, священных протопопов и всего священническаго, диаконскаго, иноческаго чина и всего причта церковнагоЖЕЛАНИЕЛик преподобных отец ти желает145 и кождо, иже в церкви ся труждает,Да яко солнце на небе светиши,мрак неверия в мире истребишиИ вся ереси, веру же святуюраспространиши во страну всякую.19Благочестивых князей и боляр и всего христолюбиваго воинстваЖЕЛАНИЕ150 Кто виде, како пчелы матери радеют,вся ея правителством во ульи си деют,За ню, яко за царя, главы полагают;тако сии за тебе готови бываютНа вся бедства и на смерть; желают же тебе155 и в мире царствовати и в премирном небе.20Всех православных христианЖЕЛАНИЕЛюбезная вещь: солнце яко освещаети теплотою в мире плоды содевает.Ты православных солнце за точная дела,темже вси тя желаем здрава, славна, цела,160 Светла, победоносна всегда созерцати,дондеже господь даст ти миром обладати.ЗАКЛЮЧЕНИЕБуди же обладатель чрез время толико,в подложенней скрижали возможно еликоМнога лета считати многими премены,165 от среды на вся страны будиж без измены.
