Поскольку текст, представленный в списках XVI и XVII вв., может отличаться от первоначального перевода, в комментарии приводятся значимые смысловые расхождения между древнерусским текстом (первым фрагментом «Слова...») и его оригиналом — древнееврейской Книгой Иосиппон. Текст Книги Иосиппон использовался по изданию:
«Слово...» издается впервые по списку XVI в. — РНБ, Софийское собр., № 1462, лл. 119—124 об.
Подготовка текста, перевод и комментарии М. Д. Каган-Тарковской и Р. Б. Тарковского
Беше Иесей[181] мужъ силенъ и крепокъ зело, въ сердци своемъ Бога дръжаше и Богу служааше зело. И съ женоя своея Езавелю[182] имеху 8 сыновъ[183] своих. И съветоваста между собою, еже отрещися и не смеситися похотия плътскоя. И Езавела възятъ отрока, егоже имеше Иесей въ милости, имя ему Андрей, и глагола ему: «Аще съхраниши господина своего добре, дамъ тебе имениа многа, и аще възтребуетъ жену, възвести мне, никакоже не съкрый от мене». Андрей рече съ обещанием: «Буди по глаголу твоему».
И тако съблюдоста ся Иесей и Завела 12 лет. Въ един же день рече Иесей къ рабу своему Андреу: «Обрящи жену, хощетъ бо сердце мое жену». Рече Андрей: «Господине, знаю жену добру далече»; не бе бо въ дому своем Иесей, ну на селе далече от дома своего. И рече ему: «Шед, приведи ми ю». И дасть ему злато. Он же иде къ Езавеле, госпожи своей, и поведа ей. Она же прииде нощия, и примесися Иесей къ ней, и не позна то есть жена его.
И ту зачят отрочя, и роди, и нарече имя ему Давидъ, еврейскы — украденъ.[184] И не уведе Иесей о томъ, и въ тайне въсхрани его. Егда бысть въ шестое лето, проводи его къ овцам и предасть его пастыремъ овчиимъ. О немъ не ведеше никто. И възрасте кротокъ и смеренъ и от ума своего изьучи въсеку свирня, и тюмбаны, и органы, и въся пъсни. И егда хотеше свирити, овця и волове, и въси скоти играаху.[185]
И посла Господь пророка своего, да възлиаетъ елей на главу его, яко въцарится семя Авраамле.[186] Пророкъ Дафанъ[187] прииде в дом Иесеовь и рече ему: «Приведи сыны своя, да имъ дамъ сврагиду». Иесей приведе 8 сыновъ своих. Пророкъ Дафанъ рече: «Несть зде сынъ твой, егоже требуетъ Господь». Иесей рече: «Господи, не имамъ иных чяд, тъкмо толико». Пророк велико глаголааше, Иесей скръбеше зело. Жена же его Езевела пришед, поведа мужу своему Иесею и рече: «Тъй есть сынъ наш, ну не смех поведати ти, да не приложиши речи лукавныя». И посла Иесей привести Давида. Егда виде пророкъ Давида, възрадовася зело. И възлиа елей на главу его, и дасть ему сврагиду. И рече ему: «Благословит тя Господь и благословено будет имя твое, и не погыбнеши въ векы. От плода твоего престолъ херувимом сътворится и дщи твоа честнейшиа херувимъ будетъ».[188] Иесей же чюждаашеся слышущи и глаголааше: «Где того добро обрящет? Онъ пастырству училъ ся есть». И тако отиде пророкъ.
Саул[189] же царь царствовааше въ сея землея и обладааше въся тварь. И въниде духъ нечистый въ Сауле, и пакости твореше ему, и не давааше ему спати, ниже имеше покоа въсегда. И некый человекъ поведа Саулу и рече: «Есть человекъ в Мадиамской земли[190] именемъ Иесей и имат въ овцах пастъвника, и великы свирня, и пищали пречюдны творитъ, и скоты и въся вещи играят, егда начнет свирити. Егда како и тебе что на ползу будет». Тогда Саулъ посла и призва Давида. Егда удари въ свирня, дух нечистый утихну в Саули за три днии. Егда отидеше Давидъ, пакы диавол твореше пакости ему. И съвеща Саулъ, да дасть дъщерь свою Давиду жену,[191] яко да въсегда свирить и покоить Саула от духа нечистаго.
И тогда отвръжеся Голиафъ[192] от отца своего Саула царе и възятъ халдеяны[193] и преят въся земля Саулову, понеже бе мати Голиафова халдеанка. И прииде на отца своего Саула въ Иерусалимъ.[194] И рече Саулъ Давиду: «Почто не ръпщетъ сердце твое о семъ? Видиши ли како отвръжеся сынъ мой от мене тебе ради, и преят въся земля моя, и нине хощет Иерусалимъ преяти. Ты, Давиде, что не спееши?»
