<p><strong>Почитание</strong></p>Почитай менших, почтут они тебе;тех нечествуяй безчествует себе.2Друг друга чтите, место почитайте,за то от Бога чести ожидайте.Его бо ради кто ся унижает,в царствии горнем предпочтен бывает.<p><strong>Прав никто же</strong></p>Аще в совести твоей хреха и не зриши,не абие тя права и свята да мниши,Ибо чесого око ти не созерцает,то Божие пресветло в тебе усмотряет.Мы в сердцы тмы не видим, а пред Богом тоеимать помрачение в светлости некое.<p><strong>Правда</strong></p>Знающе правду, а оней молчати,есть злато в землю тщетно закопати.<p><strong>Правда началная</strong></p>Егда Адам, созданный Богом, в рай бяше.не в естественных токмо силах пребываше.Но дар преестественный Богом получил есть,яко в правде началной немятежно жил есть.Правда же началная не что ино бяше,токмо дар Бога щедра, иже покаряшеРазум Адамль Богови, а разуму тело,еже противно стати оному не смело.Егда убо праотец Богу согрешил есть,ту правду началную, увы, погубил есть.Ея же мы лишени, страсти в себе знаеми в брани плоти на дух часто погибаем.О. аще бы праотец с правдою стоял был.весь род наш зол толиких никако бы знал был.<p><strong>Правда и ложь</strong></p>Правда дщерь есть Божия, благо ю любити,да бы спрягшым ся с нею, в сродстве Бога быти.Лож паки — дщи демоня, кто ей прилепится,оле врага душевна зять той сотворится.Зрите убо, братие, с ким ся сочетати,еже бы не погибель, но живот стяжати.<p><strong>Правду глаголющий страждут</strong></p>В капищи некоем кумир хранен бяше.иже вещей храма татя изьявляше.Случися некому тамо татствовати.сокровища храма бывшая забрати.Вопрошаем, кумир татя изъявил есть.тать же пришед в нощи, в главу й язвил есть.Да не изъявляет. Потом прилучися,инех тамо поклад татски восхитися.Иже ко кумиру притекше, моляху,да известит татя, но ничто слышаху,Молчаше бо идол. Они умножишажертвы, и молитвы теплы приложишаТогда нача кумир устне отверзатии жалостне оным сице глаголати:Времена суть злая, людие в них злеют,правду глаголющым главу бити смеют.Негли и днесь злоба сицева бывает,друг друга за слово правды измождает<p><strong>Правды безместие</strong></p>
