Иулий кесарь, силный Рима покоритель.непобедимый родов бранми укротительОт ближних, ков сотворших, живота лишенны,во Преторе мечами многими пронзенны.<p><strong>2. Октовиан кесарь Август</strong></p>Сему кесарствовавшу. Слово воплотися.Бог безплотный от Девы Человек родися.Мир бяше во вселенней, даже ся ковахулемеши из оружий, и теми ораху.<p><strong>З. Тиверий</strong></p>Тиверий изъначала вел ми добр явися,но пред смертию жесток людем сотворися.Изби вся советники, Гая же избрал есть,лютый лютшаго царя Римляном подал есть.<p><strong>4. Гай</strong></p>Гай Калигула кесарь зол мучитель бяше.за бога хвалим быти безумно желаше.Во Иерусалиме образ свой ставитивеле, да бы от жидов почитану быти.От ратных тридесят язв прием, зле скончася,тогда человек быти без ползы познася<p><strong>5. Клавдий</strong></p>Клавдий милость Евреом в начале явил есть,потом изгнати вся я из Рима судил есть,Яко немирни бяху. Жена Агрипинаотрави й, да узрит на престоле сына.<p><strong>6. Нерон</strong></p>Нерон мучитель матерь свою погубил есть.Рим сожже. учителя Сенеку казнил есть,Христианы гоняше, всем враг сотворися,утек, в яме железом сам острым пробисяЕлма же не абие враг той умираше,раб Епафродит мечем конец ему дате.<p><strong>7. Галба</strong></p>Сервий Сулпитий Галба престол восприяше,но точию седмь месяц на оном седяше,Ибо вои престола онаго лишиша,паче же и живота, ибо й убиша.<p><strong>8. Отфон</strong></p>Сылвий Отфон на царство силою вступил есть,но токмо три месяцы на оном пребыл есть.Ибо от Вителия зело престрашися,да не будет ят онем, сам волно убися.<p><strong>9. Вителлий</strong></p>Вителлий на престоле не благо седяшеи точию осмь месяц правителствоваше.От Веспасиана бо ратници внидошав Рим и, победивше й, в части разсекоша.<p><strong>10. Веспезиан</strong></p>Веспезиан жидовску землю воеваше,от воинства на царство тамо избран бяше.Шед в Рим. Тита остави сына преблагагоразорения ради града Сионскаго.Того разорь, торжество в Риме совершил естьс Титом сыном преславно, верным кроток был есть.<p><strong>11. Тит</strong></p>Тит бе кесарь преблагий, никому отмщаше,аще и врага себе быти кого знаше.Во един день никому благо сотворил есть,тем : Оле. погубих день! в вечер возопил есть.Домитианом братом живота лишися,ибо от того ядом смертным напойся.<p><strong>12. Домитиан</strong></p>Домитиан гонитель верныя мучаше.наперстника Христова умучив, изгнаше.Бога себе нарекл бе. велми зол явися,от изгнанныя жены си раба убися.Римляне вся образы его истребиша,по смерти мучителство его тако мстиша.<p><strong>13. Нерва</strong></p>Нерва кесарь преблагий мир возвеселил есть,яко по мучителстве мир всем сотворил есть.Верныя от изгнаний велъ возвратитии ни малым пакостем от язык им быти.Но четыренадесять токмо царствовашемесяц, а мир лет многих оному желаше.<p><strong>14. Траян</strong></p>
