Клавдий по Галлиене кесарь сотворися,христианом мучитель лютый проявися.Седевшыя во юзах веле убивати,вины не вопросивше, живота лишати.Но и сам от Господа того бысть лишенный, моровым поветрием страшне умерщвленный.<p><strong>33. Квинтилл</strong></p>Квинтилла по Клавдии вои воцариша,но по седминадесят дниех й убиша.Инии повествуют, яко себе жылымотверзе, яже и кровь, и жизнь источилы.<p><strong>34. Аврелиан</strong></p>Аврелиан мучитель жесток верным бяше,велие гонение на ня воздвизаше.Прежде смерти бысть громом велми престрашенны,послежде от домашних своих убиенны.<p><strong>35. Такит</strong></p>По Аврелиане шесть месяц празден бяшепрестол, на нь же Такита воинск полк избраше.Сей люди надеждою веселы содеяблагости, но скор конец взят жизни своея.<p><strong>36. Флориан</strong></p>Флориан брат Такитов кесарь сотворися.но в два месяца от вой у Тарса убися.<p><strong>37. Пров</strong></p>Пров честный на престоле царстем посадися.Готфом, Фраком и Персом силен сотворисяХристиан не гоняше, милость проявляше,но от мятежных воев кончину прияше.<p><strong>38. Кар</strong></p>Кар Манлий на престоле царстем посажденны,грядый ратно на Персы, громом убиенны.Ини глаголют, яко сам в пути скончася,кая известна повесть, то нам не сказася.<p><strong>39. Карин и Нумериан</strong></p>Карин и Нумериан царство восприяста,ов Запад, сей же Восток во власти держаста.Сей от тестя си Апра живота лишися,от Диоклитианих ов ратник убися.<p><strong>40. Диоклитиан</strong></p>Диоклитиан, лютый христиан гонитель.безчисленных мученик бе жизни лишитель.В обществе Максимиан царства ему бяше.его же Иркулея народ нарицаше.Та, яко не могоста верных изтребити,умыслиста царствие волно оставити.Гневастася на себе, яко не могостахристиан победита, во нужде умроста.Неции повествуют. яко изумисяДиоклитиан, егда на верных ярися.<p><strong>41. Константий Хлор и Максимин Галерий</strong></p>Константин Христианом милость проявляше,Максимин на Востоце зол гонитель бяше.И на Западе точне злобу си явил есть.егда во Британии Константий пожил есть.Иже, паки быв в Риме, остави си сына,отходя в Британию, юна Константина.Сего Максимин даде стражем си храните,но он к отцу промысли бегство сотворите,Его же зрев кончину, вой воцаренны,а во Риме Максентий царь бысть посажденный,Иже в начале верным милосерд явися,но послежде мучитель велий сотворися.Канстантин же Христову веру восприял есть,Церковь от гонителей силно защищал есть.На Максентия с полки своими пустися.иже, гонзая, в руце с теми потопися.<p><strong>Царие Рима новаго</strong></p><p><strong>Константин Великий</strong></p>
