Траян бе худороден, но храбрость являше,егда в полках Титовых воевода бяше.Прием царство, гонитель христиан явися,пияница и блудник содомск сотворися.За мало прежде смерти престал есть гонитиЦерковь, ей же даде Бог в то время почити.<p><strong>15. Адриян</strong></p>Адриан христианом лют бяше гонитель,Евстахия Плакиды жестокий мучитель.Антиноа отрока, с ним же блудно жил есть,по смерти въместо Бога чтити осудил есть.В болезни ножа, яда прилежно прошаше, хотя смерти, Антонин того возбраняше.<p><strong>16. Антонин</strong></p>Антонин нова суда на верных не дашегонити, но древняго не оставил бяше.Тем гонение пребысть. в старости скончася.пролиянием крове сосед не смазася.<p><strong>17. Марко Аврелий и Лукий</strong></p>Аврелий со Лукием царство восприял есть,но ов, аки бы отец, началство держал есть.Яко умаление идол чести зряше,на христианы люту жестоту являше.С Норкоманы ратуя, в болезнь тяжку впаде и умре. яко ничто от них долго яде.<p><strong>18. Коммод</strong></p>Сын Аврелиев Коммод егда воцарися,мучитель граждан Римских лютый сотворися.Христиане же покой желанный прияху,яко языци мира в то время не знаху.Он жену и боляры побити мыслил есть. а его некто Наркис, пришед, удавил есть.<p><strong>19. Севир</strong></p>Севир по Коммоде царством бысть почтенны,от него же в боги Коммод вознесенны.<p><strong>20. Пертинакс</strong></p>Вои же Пертинакса в Риме возлюбиша.но осмьдесят и два дни пребывша, убиша.<p><strong>21. Дидий Иулиан</strong></p>По нем Иулияна Дидия возваша,того в шестьдесят шесть дни гробови предаша,И паки на престоле Севир посадися,от него же первее с срамом удалися.<p><strong>Севир паки</strong></p>Севир же аше имя жестоты ношаше.но зело христианом милосердый бяше.Во его дни вернии зело ся множаху,и великороднии к Христу притекаху.То в начале, вконец же велми развратися,ибо гонитель Церкве лютый сотворися.Сын его Каракалла убита хотяше,он от печали яда смертнаго прошаше.Тому не дану бывшу, мяса много ял есть,от того конец жизни тяжкий восприял есть.<p><strong>22. Каракалла</strong></p>Каракалла брата си повеле убитаи множество невинных людей погубити.Отца си други изби, врачи истребил есть,яко тому радеша, без милости мстил есть.Авгарь, Едеский царь, им царства бысть лишенны, но сам близу Едеса бысть враг убиенны.<p><strong>23. Макрин</strong></p>Убийца Каракаллы Макрин воцарися.но и сам от воставших на нь воев убися.<p><strong>24. Илиогавал</strong></p>Илиогавал тиранн потом наступил есть,многи изгна невинне, многи погубил есть,Но и сам убиен бысть, а Римляне тело,влачивше ругателно, утопиша смелоИ злую матерь его злой смерти предаша,яко сыновни злобы винну быти знаша.<p><strong>25. Александр</strong></p>
