Yer sochini tutdim: «Ey hayotim naqshi,O‘nglagil ishim, dilimning farahbaxshi».Dedi: «Qo‘y-u sochimni, labimni ista,Bir lahzalik aysh uzun umrdan yaxshi!»<p>63</p>Jonon, seni tark aylamak ermas oson,Zumrad xating qoshida to bermay jon.Jonimni g‘izosidir u yoqut lablar,Kelmaydi teng unga ikki yuz ming marjon.<p>64</p>Derlarki, behisht eshigiga yetgaymiz,May — qo‘lda, malak — quchoqda aysh etgaymiz.Bas, biz mayu ma’shuqni desak, ne bo‘pti?Ish oqibati shunday ekan, netgaymiz?!<p>65</p>Gul baxti juda kulgan ekan gulshanda,Yig‘laydi bulut, gul-chi, qiladi xanda.Maqtansa-da ozodligidan harchand sarv,Tik qaddi bilan bo‘libdi gulga banda.<p>66</p>Vaj topadi, kim bodani inkor qiladi:Shunday tirilar, har kishi qanday o‘ladi!Bizlar yashadik ma’shuqu may birla mudom,Bas, hissa: qiyomatda-da shunday bo‘ladi!<p>67</p>Sho‘r baxtim agar bo‘lmasa yor, men na qilay?Ko‘nglimni quvonch aylasa zor, men na qilay?Ko‘zimning u gavhari edi — tark etdi,Bu gavhari yo‘q ko‘z endi xor, men na qilay?<p>68</p>Qay dam nazaring bu dili g‘amnokka yetar,Go‘yoki quyosh shu’lasi xoshokka yetar.So‘z qotma, esam-da gar yo‘ling tuprog‘i,Ming hayfki, ovvozing agar xokka yetar…<p>69</p>Gar ko‘ylagini yechsa u oy yuzli pari —Motdir bu jahondagi go‘zallarning bari!Qalbi ko‘rinar ko‘ksida nozikligidanSof suvda ko‘ringan kabi tosh zarralari.<p>70</p>Shoh taxtida o‘ltirsa-da to‘kib yoshiniGul zorlanadi: «Ko‘ring bu dunyo ishini:Gar shuncha kuyar men kabi shaffof xilqat,Voy, holiga ming voy gunohkor kishining!»<p>71</p>Tokaygacha bu elga jafo qilgaysan?Ozurda ko‘ngillarni yana tilgaysan?Dil ahli qo‘lida qonsiragan tig‘ bor,Qoning seni bo‘yningda erur bilgaysan?..<p>72</p>Tong yeli, o‘shal suluvga xushtorligim ayt,Bir ko‘rgali oy yuzini ming zorligim ayt,Tunlarni shirin uyquda o‘tkazguchi ul —Beg‘amga qachondan beri bedorligim ayt.<p>73</p>Dedimki: «Labing?» Dedi: «Labim — obi hayot».«Og‘zing-chi?» — dedim. Dedi: «Bu — bir dona nabot».Dedimki: «So‘zing?» Dediki: «Hofiz aytmish:«So‘z pirlarini duo bilan aylang yod!»<p>74</p>Mardlikni so‘ra fotihidan Xaybarning![12]Ximmat sirini xojasidan Qambarning![13]Haq fayzini, Hofiz, tilasang astoydil,So‘r manbaini soqiysidan Kavsarning!<p>75</p>Ey do‘st, g‘anim jafosiga qo‘l silta!Maydan o‘zga safosiga qo‘l silta!Haqni bil-u, o‘zingni — bu olam eliningHar yaxshi-yomon bahosiga qo‘l silta!
