Ul jomki, safo gulshani — tut ilkimga,Yor timsoli sog‘ar — ani tut ilkimga.Zanjir kabi ul may o‘ralar o‘z-o‘ziga,Devonasi bo‘ldim, qani, tut ilkimga!<p>17</p>Hargiz meni yod aylamading, sham’i Chigil,Mushkul esa-da bu men uchun — ko‘ndi ko‘ngil.Dardeki, g‘amingdan yuragimda qat-qat,Dil bilga-yu men bilgum, men bilgum-u dil.<p>18</p>Sen — to‘lgan oy-u, senga quyosh banda emish,To banda emish o‘shal — ravshan-da emish.Bir chehraki, oftob nur emib shu’lasidan,Oy ham ilibon yog‘du bilan sha’n-da emish.<p>19</p>Ul fasli yigitlikda sharob ko‘p sozdir,Gul yuzlar ila bodai nob ko‘p sozdir.Olam-ku xarob rabot erur boshdan-oyoq,Bo‘lmoq bu xarob yerda xarob ko‘p sozdir.<p>20</p>Gar biz kabi sen ham asiri dom bo‘lasan,Azbaski, xarobi bodayu jom bo‘lasan.Dunyosiga o‘t qo‘yguchi oshiqlarmiz,Biz birla o‘tirma sira — badnom bo‘lasan!<p>21</p>Kim ko‘rdi u yordan vafo — men ko‘raman?Kim ko‘rdi jafodan safo — men ko‘raman?Umrimsan-u, ammo bevafosan, ne kilay,Kim ko‘rdi umrdan vafo — men ko‘raman?<p>22</p>Zulfingning uchi kabi mening qaddim xam,Oshufta dilim labingni istar har dam.Pista kabi tang labing — dilimning rizqi,Holimning tangligi ayon shundan ham.<p>23</p>Sendan meni bu falak ayirgandan buyon,Kim ko‘rdi labimda bir tabassumni, qachon?Har qanchaki hijron g‘ami bor ko‘nglimda —Bir men bilaman hamda Xudovandi jahon!<p>24</p>Hajring o‘gida sham’ kabi afzun yig‘lay,Jomdek to‘kayin-u ashki gulgun, yig‘lay,May jomiga o‘xshayman-u, diltanglikdanChang nolasini tinglar ekan, xun yig‘lay…<p>25</p>To tonggacha yummadim g‘aming ichra ko‘zim,To tonggacha yosh to‘kdim — ko‘p dilda so‘zim.Dardingni birovga sira aytib bo‘lmas,To tonggacha gaplashdim o‘zim birla o‘zim.<p>26</p>Bu so‘zi shirinlar ahdiga yo‘q poyon,Oriflar ular yo‘lida bergaylar jon.Ma’shuqa hamisha ixtiyoringda bo‘lar,Ishqbozlar aro bo‘lmasa noming doston.<p>27</p>Hijron kuni bu — do‘stlarni yod aylagali,Aysh vaqti emas ko‘ngilni shod aylagali.May jomi qoshimda bo‘lsa-da hushyorman,Bir do‘stim yuq, chunki nashot[6] aylagali.<p>28</p>Ishqing g‘amidan qon to‘la dil kishvarida,Husning sening aql idrokidan tashqarida.Zulfing ko‘yida zoru g‘aribdir bu dilim,Oh, holi uning ne bu tun sendan narida?..<p>29</p>Ey, timqora zulfing quyoshga soya,Go‘yoki niqob kulohing[7] yangi oya.Shom bo‘lsa yalovbardor mushkin xatishta,Tong chokar[8] sen kabi qamarsiymoya.<p>30</p>Jon zulfini halqasi aro istar joy,Zeroki, balo bandini ochgay ul oy.Yor qoshi uchun jonimni peshkash[9] qildim,Ko‘rsatsa yuzin zora o‘shal qoshi yoy.<p>31</p>
