Gul so‘ylar edi: «Oyoq-qo‘lim bo‘lsaydi,Qochib qutular edim — yulim bo‘lsaidi.Aybim yug‘-u, shuncha kuydim, oh, yaxshi edi —Aybim boridan ko‘ra o‘lim bo‘lsaydi…».<p>32</p>Sozdir necha dilni may bilan shod etsak,O‘tgan bilan ketganni-da kam yod etsakHam bir yo‘la zindoniy omonat jonniBir lahza aql ilkidan ozod etsak…<p>33</p>Bul kecha g‘amingdan qon aro yotgumdir,Ranj bistarida hijron aro yotgumdir.Gar shubha etarsan, o‘z xayolingni yubor,Ko‘rsin o‘sha ne afgon aro yotgumdir…<p>34</p>Gul g‘unchasi to bodaga hamroz[10] bo‘lgay,May maylida nargis qadahsoz bo‘lgay.Forig‘ dili ul kimsanikim misli hubob[11]Mayxonaga yo‘l tutib, sarafroz bo‘lgay!<p>35</p>Na davlati dunyoni(ng) sitamga arzir,Na lazzati mastlikni(ng) alamga arzir,Na shodligi dunyoni necha ming yillikUl bir necha kun mehnatu g‘amga arzir.<p>36</p>Ulfatlar aro qay kuni dil qildi xitob:Gul mavsumida tark etayin bodai nob.Bulbul chaman ichra qichqirib berdi javob:G‘ofil, bu nima — fasli gulu tarki sharob?!<p>37</p>Men haqdagi fikringni, sabo, so‘zla nihon,Oz bo‘lsa-da ishq izhoriga mingta zabon,Ohista so‘z och so‘z orasinda, tokiSevgimni malol olmasin ul qoshi kamon.<p>38</p>Harchand firoq sendan uzoqqa solsin,Sabrimni yuzing hajri dilimdan olsin,Bir bor nazarim tushsa bo‘lak yuzga agar,Husning tuzi haqqi, qo‘zlarim ko‘r bo‘lsin!<p>39</p>Ich bodanikim, mangu hayot shu asli!Besh kun bu tiriklikda najot shu asli!Gul mavsumiyu do‘stu yaqinlar sarmast,Shod bo‘l, bu jahonda chin nashot shu asli!<p>40</p>O‘ldim bo‘sa birla quchog‘ing orzusida,Uldim o‘sha jonbaxsh dudog‘ing orzusida.Cho‘zib netaman qissani, bas, qisqa qilay:O‘ldim, ya’ni boshdan-oyog‘ing orzusida!<p>41</p>Chehrangki, latofat ichra oyinai ruh,Tonglarda xayoling qadami bersa shukuh.Tortishga ko‘zimga qo‘rqaman kiprikdan:Bo‘lmasmi xayolingning oyog‘i majruh?<p>42</p>Mazmuni bo‘lay, deding, xayol-o‘yingning,Sabr ayla-yu, ko‘nglingni mudom tutgil keng.Oh, sabr qani-yu, dil nima? Aslida dil —Qondir o‘zi bir qatra-yu, andishasi ming.<p>43</p>Ko‘zingdan makru afsun yog‘iladi,Vaj izlab jangga qahru kin yog‘iladi.Ko‘ngling yana qoldi hamnafaslardan tez,Berahm dilingdan tosh tayin yog‘iladi.<p>44</p>G‘am ichra misoli boda qaynab netasan?G‘am lashkariga qarshi nechuk jang etasan?Sabza kabi labdan bodani tutma uzoq,Sabza bo‘yida may ich — behinpta yetasan!<p>45</p>Qar kun dilim og‘riydi bo‘lak qayg‘u bilan,Har kun uradi ko‘zga firoq o‘zga tikan.Men jahd etaman vale qazo qaytargay:«Ish boshqa sen o‘ylagandan unda umuman!»<p>46</p>
