Suv ketdi tagiga umr vayronasining,To‘lmoq g‘ami bosdi umr paymonasining.Ey xoja, ko‘zingni och, zamon hammoliRaxtini qo‘pormoqda umr xonasining…<p>47</p>Ey, tortinadi g‘unchai mastur sendan,Hayronu xijil nargisi maxmur sendan.Gul teng kela olmas senga, ul mohtobdan —Gar yog‘du emar, oladi oy nur sendan.<p>48</p>Hech bir umidingni oqlamas charx — olchoq,Har aylanishidan titra misli yaproq.Deding: «Qoradan keyin bo‘lak rang bo‘lmas,Bo‘ldi nega unda qora sochim oppoq?!»<p>49</p>G‘amdan o‘zga mening madadkorim yo‘q,G‘amdan o‘zga ishq ichra ham yorim yo‘q.Bas, topmadim o‘zga hamdamu hamrozni,G‘amdan o‘zga do‘stu vafodorim yo‘q.<p>50</p>Maqsad yo‘lida umrni zoye’ qildim,Naf’ ko‘rmaganimni bu zamondan bildim.Har kimga degan esam seni do‘st tutdim,Bo‘ldi o‘sha dushmanim — bag‘rini tildim…<p>51</p>Ey yor yuzi ishqi, meni ko‘p zor etma,Dilxasta bu rind ahlini xummor etma.Rasmini yo‘lovchilarning, so‘fiy, bilasan,Rind ahli haqinda so‘zni bisyor etma.<p>52</p>Kelmaydi xayolimga o‘yingdan o‘zga,Yo‘l borini bilmadim ko‘yingdan o‘zga.Har diydaga uyqu yoqar, ammo meningKo‘zimga ko‘rinmaydi bo‘yingdan o‘zga.<p>53</p>To hukmi ilohiy bunda mangu bo‘lgay,Hamrohing abad quvonchu kulgu bo‘lgay!Qo‘lingdan agar men bir qadah no‘sh etsam,Bas, mangu hayot sarmoyasi shu bo‘lgay!<p>54</p>May maydalab o‘ltirsa, na soz, suv bo‘yida,Dunyo g‘amu tashvinshni qo‘y — behuda.Gul umri kabi hayotimiz o‘n kundir,Bil har damini uning g‘animat juda.<p>55</p>Shodlik qushining navolari kelmoqda,Yo Bog‘i Eram havolari kelmoqda,Yo yor labidan sabo xabar keltirmish,Alqissa, ajib sadolari kelmoqda.<p>56</p>Avvalda vafo qildi tutib jomi visol,Mast etdi-yu, hajr aro so‘ng otdi u hilol,Har ikki ko‘zim yoshga, dil otashga to‘la,Tuproq kabi jonim yulida bo‘ldi uvol…<p>57</p>Oftobdek ul oy yuzi munavvar bo‘ldi,Xatti bo‘yida chashmai kavsar bo‘ldi.Dillarni u soldi chohiga kulgichining,Choh tegrasi butkul mushku anbar bo‘ldi.<p>58</p>Sepgan kabi yuz tilim jigar ustiga tuz,Hajring g‘ami tutdi xasta ko‘nglim sari yuz.Qo‘rqib yashagan edim mudom hijrondan,Hayhot, o‘sha ayriliq yetib keldi bu kez…<p>59</p>Ko‘yingda meningdek kishi yo‘q bexona,Nazdingda meningdek kishi yo‘q begona.Zulfing doriga osishgani bejiz emas —Ishqingda meningdek kishi yo‘q devona.<p>60</p>Ko‘nglim qushi to tushdi g‘aming domiga-yey,Bo‘ldi u yo‘liqqan kabi tig‘ komiga-yey,Dunyo qadahin sharbatidan bezorman,To‘ldi jigarim qoni g‘aming jomiga-yey.<p>61</p>Vaqt yetdi, xumorlar asta qo‘zg‘olgaylar,Yoru mayu soz yonidan joy olgaylar,O‘tkinchi hayotga qasdma-qasd ul damdaJom birla qadahga qora qon solgaylar.<p>62</p>
