Икос.[1229]Приидете, любострадальцы, пениемъ и песньми духовными память совершающе, Божествене возвеселимся. Время нашего веселия болшее и пребывающее трижнение наста и приемлюще страстемъ разрешения даръ. Новыи бо столпъ огненъ явися,[1230] попаляя беззаконнующая главы, верных же просвещая душа к вере Богоразумия, и въ Божественныи градъ вышнии Иеросалимъ, яко другаго Израиля вводя, яко ученикъ Божия благодати.
Песнь7. Ирмосъ: На поле молебне иногда.[1231]
Украшенъ боголепно Господеви предста добродетелными подвиги, венецъ же нося страдания, испещренъ кровными каплями, святителю Филиппе; темъже совершающих светоносную память твою присно поминай, и поющих: Отецъ наших Боже благословенъ еси.[1232]
Фараонитъ, мысленых врагъ ополчения, блаженне, избегъ, легко прешелъ еси к горнимъ, тамо водворяяся, идеже почесть славы получивъ терпения — во свете праведных, в радовании святых воспевая: Отецъ нашихъ Боже, благословенъ еси.
Хвалят тя, блажаще любовию, иже притичющеи к раце твоей, блаженне, тоя бо целующе, независтно благодать приемлем. Яко прикосновением болезнь очную исцелилъ еси;[1233] и терзание зубомъ облегчи поющимъ Содетеля: Отецъ нашихъ Боже, благословенъ еси.
Бог<ородичен>. От любве душевныя вопию Ти, Владычице, пресветлаго солнца облаче, спасеная двери, небесная врата, лествице мысленая. Всехъ християнъ молбу приими, Тебе блажащих, надежду душамъ нашимъ, и Сыну Твоему зовущих: Отецъ наших Боже, благословенъ еси.
Песнь8. Ирмосъ: Покрываяй водами превыспреняя своя.[1234]
Целиши независтно верно призывающия тя, яко представъ абие разслаблена воставилъ еси, и страждущему ятро прикосновениемъ ручнымъ исцелилъ еси,[1235] уныниемъ скорбяща явлениемъ своимъ в радость претворилъ еси, присно действуя, блаженне, вемъ вовеки.
Честь многоценную твоему верху — страдания венецъ, яко победоносцу живоносною десницею Зиждитель возложи всебогате, тело же твое соблюде невредимо от боку земленую, испущающе благоюхания арамат; сице тя прослави Подвигоположникъ во вся веки.
Шатания брани межеусобныя укроти, и разсвирепеющая волки на стадо твое, блаженне, молитвеною си палицею далече отжени, и царю нашему скипетры державно устрой, и востания языкъ во смирение покори, да яко предстателя тя воспеваемъ вовеки.
<Богородичен>. Щитомъ веры храмъ Твой святый, Богородице Дево, сохрани, и в немъ славословящихъ Тя купно славы Своея сподоби, и нахождения варварскаго и томления ихъ избави, ума нашего волнения укроти милостиво си, Препетая.
Песнь9. Ирмосъ: Благословенъ Господь Богъ Израилевъ.[1236]
Едино естество Троицы, безмерную силу благословил еси, и суетных служения дерзновенно, всемудре, изобличилъ еси, и божественными наказании укрепль; ангеломъ сожителниче, святителю Филиппе, память твою празднующих в мире соблюди.
Юношамъ немование сродно присвоение бываетъ, не яко достойни суще, приими от насъ нынешнее благодарение, о, страстотерпче; по действу убо не наше, но ангельско есть — и в лепоту восхвалити тя; мы же от усердия дерзнухож, елико возмогохомъ.
Яко апостоломъ сопрестоленъ и мученикомъ сликовенъ, святителемъ равночестенъ, страстотерпче Филиппе, предстателствомъ твоимъ поющихъ в мире сохрани и православнаго царя нашего рогъ возвыси, варварьская же шатания низложи, да, радуяся, поем величия ти.
Бог<ородичен>. Света приятелище, Богорадованная Владычице, святителемъ воистинну утвержение и преподобнымъ всемъ похваление, спаси и нас от бедъ и обстоянии и языкъ нашествия, воспевающихъ Тя, Многопетая.
Светиленъ.[1237]Подобен: Посетил ны есть.
Тезоимените целомудрия, от юнаго воспитания, святителю Филиппе, потщалъся еси за истину поносимъ и влачимъ быти, и смерть горкую подъялъ еси; и ныне на небесехъ, предъстоя престолу Святыя Троица, присно о насъ молися, иже верою и любовию почитающихъ тя.
Нахвалигехъ. Слава. Глас6.
Ты еси пастырь добрыи[1238] и учитель теплыи, святителю Филиппе; тя всегда восхваляюще, вопиемъ: Тобою Богъ украси церковь Матере Своея,[1239] тело твое, много летъ покровено в земли, нетленно яви людемъ своимъ; темъже моляся непрестай о хвалящих и чтущих память твою, просящи оставления греховъ и спасения душамъ нашимъ.
Намалойвечерни. Слава. Глас6. Украшение святителей и благолепие отцов <духовных>, молебника великого за Землю русскую собравшись здесь, о, почитатели празднеств <церковных>, хвалами песнопений воспоем, восклицая: Радуйся, святитель Филипп, твердый душой, благодатью и истиной освященный; потому ты и вместилищем стал Пресвятого Духа; и ныне, с первосвятителями предстоя престолу Христову, молись о душах наших.
