Великихъ добродетелей светозарениемъ сияюща детели, преподобне; постыдешеся царие крепкаго ти разума, и пределъ языка твоего не поколебася,[1210] Господеви поя: Славно бо прославися.
Богородичен.[1211] Глаголы богогласныхъ проповедникъ о Тебе, Богомати, исполнишася; се бо роди, Дево, младо Отроча, Адама древняго старейша и сопрестольна Родителю, миру всему на спасение и тлению изменение.[1212]
Песнь3.[1213]Ирмос: Утвердися сердце мое о Господе.
Добродетелей на гору востече и в мракъ видения вниде, святителю Филиппе, и разуме, елико вместилъ еси, непостижимаго естествомъ, просвещения исполнь бывъ, отче, приемъ Божественную благодать.
Единаго Бога добротою искии, едину Его получити славу желая, блаженне, славу же и честь земнаго пребывания, яко преходящую, оставилъ еси, яко угодникъ просия всехъ Владыки Христа.
Желанием духа плоти желание увядилъ еси; и семя, блаженне, обручилъ еси сожителницу чистоту, от неяже чада тебе родишася вся добродетели присно славне, чадо тя содевающе невещественому свету.
Богородич<ен>. Змия умертвила еси, умертвившаго Адама в породе, и Евве праматери составльшаго печаль,[1214] живота прозябши, Дево Чистая; и от истления нас свободи, Богъ бо ис Твоихъ ложеснъ прошедъ неизреченно.
Седаленъ,[1215]Глас8. Подобенъ:[1216]Премудрости.
Яко апостолу избранному тезоименитъ, отче, подражатель,[1217] беды претерпелъ еси и гонения; ревность воображая пророка Илии и Крестителя,[1218] мужьски изобличилъ еси беззаконнующая и престолъ божествене управилъ еси. Равно течение скончавъ, яко милость тело свое на земли оставль, испущаеши миро благоухания араматъ, и яко дождь изливаеши духовно, напояя таино бразды сердецъ нашихъ, Филиппе святителю, моли Христа Бога гръховъ оставление даровати чтущимъ любовию святую память твою. (Дважды).
Песнь4. Ирмосъ: Пророкъ Аввакумъ мысленыма.[1219]
Злобою живущеи на тя незлобиваго агньца яко дивии зверие восташа, словесы твоими, яко осномъ стречеми, не терпяще, завистию поощряеми, святителю богомудре.
Имея тя заступника миръ весь и помощника во бранехъ, яко поборника веръна и скораго предстателя, к твоей бо пастве пририщущих напастей и бедъ изимаеши священными ти молитвами.
Исполнивъ добрыя подвиги, тезоимените, нетленнаго, богомудре, сподобися безсмертия, идеже радуяся венъца победе взялъ еси, темъ вопияше: Слава силе Твоей, Слава, Христе, пришествию Твоему.
Бог<ородичен>. Крепость всемъ врагомъ низложи, Мати Божия, оскорбляющих воспевающихъ Тя, яко рождьши Господа Славы; невредимо Твое стадо спасай от злыхъ приражении, яко да подолгу Тя ублажаемъ.
Песнь5. Ирмосъ: Мракъ душа моея отжени.[1220]
Луча праведнаго солнца явися мирови[1221] светлостьми добродетелей предстательство твое, святителю Филиппе, разоряя облакъ нашедшихъ бедъ; тя и ныне поющая в мире сохрани и прослави я красотою и просвети.
Мечь обоюдуостръ языкъ твой показася, въ Христовъ страхъ вооружився, блаженне, разумно изобличивъ начальствующая, во сведетельство Христа, всехъ Царя,[1222] виновна на среду приводя, и Божественныхъ Его ученикъ.
Новъ явилъся еси ревностию якоже вторыи Моисей, не знамении страшными удивляя, но Божественныхъ словесъ учении наставляя, к тихому пристанищу новаго Израиля страстнаго Египта изводя.
<Богородичен>. Облакъ разумныи Тя именуемъ, ис Тебе бо Христосъ восия, Непорочная, и пространнейшу Тя небесъ показа, Сего неискусомужно родила еси, Чистая, воплощенна за милосердие неисповедимое.
Песнь6. Ирмосъ: Иону в ките, Господи, единаго вселил.[1223]
Промышление общее творя, иже бе душа и сердце единославне взываше во Христове вере пребывающимъ, языческая же со отятиемъ отреваше предания,[1224] и разделения бежати мудре научилъ еси.
Ревностию Христовою ярость поостривъ, яко непреклонен слышанию речение о таковых, сведетельство велие известуя от апостольских речении и пророкъ, яко Христовымъ заповедемъ делатель.
Светоносную лучю иже во мраце жития сущимъ, святителю Филиппе, видимъ тя яко свещу неугасимую, с невещественымъ бо беседова светомъ, вся освещающа конца и пьянство лютыхъ отемлюща.
Бог<ородичен>. Тя иногда написа скрыжаль Богообразне во пророцехъ Моисей; свещникъ же света, и сень, и процветший жезлъ,[1225] Всенепорочная, и ручку, манну носящу,[1226] Еюже возведохомся от земля к высоте.
Кондак.[1227]Глас3. Под<обен>: Девая днесь.[1228]
Православию наставника и истине согласника, златоустаго ревнителя, русскаго светилника, Филиппа премудраго восхвалимъ, в пищи словесъ своихъ разумно чада своя питая, языкомъ убо хваление поя, устнама же пение вещая, яко таиникъ Божия благодати.
