Анастасий не славен в дворе царстем бяше,но со Ариадною прелюбы творяше,Яже бе жена царска, тою возвысисяи царь страны Восточный, оле, сотворися.В начале притворися верен и благ быти,но долго не можаше злобы си таити,Ибо друг еретиком велий показася,много им епископов из царства изгнася.Многи же и умучи, но сам бысть казненный,страшным громом от Бога злый царь убиенный.<p><strong>Иустин 1</strong></p>Иустин худороден, но благ нравы бяше,за то его Цариград на престол свой взяше.Царствова благочестно, не оставив чада,во старости отьиде к Царю вечна града.<p><strong>Иустиниан</strong></p>Иустин сестричища Иустинианасотвори в себе место быти увенчана.Той аще писания ни отчасти знаше,но законы царствию преизрядны даше.До старости жил свято, но в той изменися,негли с покаянием живота лишися.<p><strong>Иустин 2</strong></p>Иустин на престоле царстем посадися,от Иустиниана сестры сей родися.Муж православный, добрый и благоговейный,но скоро ко лакомству, неправде прелшенный.Множицею в болезни ума отхождаше, но и паки онаго целость получаше.За живота си царству царя обмыслил есть,честнаго Тиверия на то возвысил есть,С ним же жив лет четыри, мирно преставися,а Тиверий на царстве един оставися. <p><strong>Тиверий</strong></p>Тиверий паче инех царей благ муж был есть,правоверно, щастливо и чинно пожил есть.Мудрый во правителстве, силный в бранех бяше,мирно, благонадеждно Богу дух предаше.<p><strong>Маврикий</strong></p>Маврикий правоверно на царстве си жил есть,но за скупство от пленших пленных не купил есть.За то от Христа Бога в мире сем казнися.со женою и чады от Фоки убися.<p><strong>Фока</strong></p>Фока яко же лицем злообразен бяше,такожде душу праздну красоты имяшеМучитель, винопийца и нечист явися,обаче в вере правей в ин век преставися.<p><strong>Ираклий</strong></p>Ираклий на царствие честно вознесенный,в начале мало радив и не мужественный,Но в средине царствия велми исправися,поборник истинныя веры сотворися.Креста Господня древо от Перс свободил есть.во Иерусалим град честно возвратил есть.В конце единоволцем прелщен приложися,воду на лице пущав, живота лишися.<p><strong>Константин, или Ираклий 2</strong></p>Константин Ираклиев сын бысть увенчанный,быв четыри месяцы, во гроб бысть посланный.Глаголют, отравою матере вторыя.Ираклиону сыну царства желавшыя.<p><strong>Ираклион</strong></p>Ираклион чрез промысл матере всадисяна царствие, но мало тем возвеселися,Ибо боляре ему носа урезаша,матери же — языка, и в даль заточиша.Сына Константинова на царство избраша Константа, Константина неции й зваша.<p><strong>Констант</strong></p>Констант Константинов сын ересь разширяше,едину в Христе волю, яко дед, вещаше.В Сыракузе во бани несохранно мыся.от Траилова сына Андрея убися.<p><strong>Константин Погонат</strong></p>
